“Facebook” “Messenger” əlavəsini təkmilləşdirib

"Facebook” şirkəti "Messenger” ismarıc mübadiləsi xidmətini "Apple” cihazları üçün təkmilləşdirib.

Sfera.az  xəbər verir ki, şirkətin bloqunda paylaşılan məlumata görə, "Project LightSpeed” ilkin adı verilən yeni versiya əvvəlkindən dörd dəfə kiçikdir və iki dəfə tez yüklənəcək.

"Messenger”in əsas kodunun 1,7 milyon sətirdən 360 min sətirədək azalması ilə daha sadə quruluşa nail olmağa kömək etdiyi bildirilir. Kontakt siyahısına da dəyişikliklər edilib.

Əlavənin yenilənəcəyi bir neçə həftə ərzində bəzi funksiyaların işləməyəcəyi də qeyd olunur.