“Quli”yə qarşı ağır ittiham – Hökumətin casusu...

“Quli”yə qarşı ağır ittiham – Hökumətin casusu...
Azərbaycanlı "qanuni oğru” Nadir Səlifovun ("Quli”) rəqibləri onun "oğru dünyası”na təsir imkanlarını zəiflətmək cəhdlərini davam etdirir. 
"Yeni Sabah” Rusiya KİV-nə istinadən məlumat verir ki, rəqibləri indi də "Quli”ni Qazaxstanın xüsusi xidmət orqanları ilə əlaqədə ittiham edirlər. Bu barədə mediaya məlumat ötürən mənbə iddia edib ki, "Quli”nin yaxın adamlarından sayılan qazax əsilli Arman Cumagəldiyev ("Arman Dikiy”) Qazaxstanın xüsusi xidmət orqanlarının ştatdankənar xəfiyyəsidir. 

"Arman Cumagəldiyev Qazaxstanın hakim partiyasının üzvü olub və xüsusi xidmət orqanları ilə fəal şəkildə əməkdaşlıq edib”,- deyə mənbə iddia edib.

Məlumatda qeyd edilir ki, Arman Cumagəldiyev kriminal aləmdə 2005-ci ildə Qazaxstanın Şımkənd şəhərində fəaliyyət göstərən "Turist” otelinə toplaşmış müxalifətçilərə basqından sonra tanınıb. Həmin vaxt Arman Cumagəldiyev basqının fəal iştirakçısı olub və müxalifətçilərə qarşı qəddarlığı ilə seçilib. 

O, bu əməlinə görə 1 il "iş” alıb. Bundan sonra o, Qazaxstanın keçmiş prezidenti Nursultan Nazarbayevun qızı Dəriqə Nazarbayevaya məktub yazaraq onu "düşmənə qarşı mübarizədə” güc tətbiq etməyə çağırıb. 

İddia olunur ki, İnterpolun "Quli”nin axtarışına həvəssiz yanaşmasının bir səbəbi də onun Arman Cumagəldiyevlə yaxınlıq etməsidir. Nadir Səlifov Rusiya tərəfindən İnterpol xətti ilə axtarışa verilib. Lakin xüsusi xidmət orqanları ona kömək edir. "Xüsusi xidmət orqanları ona bir sıra problemlərin həllində yardım edir.  O, sərbəst şəkildə dövlət sərhədlərini keçir, Türkiyə onu təhvil vermir”, - deyə mənbə bildirib. 

"Quli”nin hədəfə gəlməsi onun "oğru dünyası”nda nüfuzunun getdikcə artması ilə izah edilir.  

Arman Cumagəldiyevin gürcü "qanuni oğru” Quram Çixladzeyə ("Kvejoyeviç”) əl qaldırması isə "Quli”yə hücum üçün fürsət yaradıb. Məsələ burasındadır ki, Quram Çixladze Nadir Səlifovla görüşdə vurulub. Lakin Arman Cumagəldiyev onun "qanuni oğru” statusu daşıdığından xəbərsiz olduğunu deyib. Nadir Səlifov da bu əməlinə görə Arman Cumagəldiyevin cəzalandırılmasına həvəssiz yanaşıb. 

Bu olaydan sonra digər gürcü oğrular Badri Koquaşvili ("Badri Kutaisi”)  və Emzar Caparidze ("Kvatiya”) Nadir Səlifovun "qanuni oğru” titulundan məhrum edilməsi barədə məsələ qaldırıblar. Rusiyanın nüfuzlu "qanuni oğru”larından sayılan Zaxari Kalaşov ("Şakro Molodoy”) da onlara dəstə verib. 

Bəzi iddialara görə, əslində bütün bunların arxasında Zaxari Kalaşov dayanır. "Quli”nin getdikcə daha çox nüfuz qazanmasını qəbul etməyən Zaxari Kalaşov onu zəiflətməyə çalışır.  Lakin bu məsələdə "Quli”yə qarşı birləşən "qanuni oğru”lar istəklərinə çata bilməyiblər. 

Əksinə,  "sxodka” zamanı Badri Koquaşvili, Emzar Caparidze və Quram Çixladzenin özlərinin problemləri üzə çıxdı. Bəlli olub ki, hər üç "qanuni oğru” başqa "oğru”larla konfliktdədirlər.  Bu halda onlar kiminsə "qanuni oğru” statusundan məhrum edilməsi məsələsini qaldıra bilməzlər.  Bu azmış kimi onların özlərinin "qanuni oğru” statusları şübhə altına alınıb. 

Bundan başqa, Arman Cumagəldiyevin törətdiyi əməllə bağlı izahatı "sxodka”ya toplaşan "oğru”lar tərəfindən etirazla qarşılanmayıb. Beləliklə, "Quli”  birmənalı qələbə qazanıb.

Görünür, rəqibləri "Quli”nin bu qələbəsini həzm edə bilmirlər və onu "vurmaq” üçün yeni ittihamlar üzərində işləyir və bunu dərhal media vasitəsilə ictimailəşdirirlər. 

İndi bütün kriminal dünya "Quli”nin yeni ittihamlarla bağlı hansı addımı atacağını gözləyir.

Sfera.az

OXŞAR XƏBƏRLƏR

Canəli Əkbərovun oğlu vəfat edib

Azərbaycanın Xalq artisti Canəli Əkbərovun oğlu Asəf Əkbərov dünyasını dəyişib. "Report” xəbər verir ki, bu barədə Hacı Nuran Hüseynov bildirib. "Az...

QHT sədrindən yas mərasimləri ilə bağlı Operativ Qərargaha TƏKLİF

Türkiyə Məzunları İctimai Birliyinin sədri Bu gün 10 nəfər insanımız koronanın qurbanı oldu. Allah hər birinə qəni – qəni rəhmət eləsin. Xalqımızın başı ...

Dünya ölkələri COVID-19-la mübarizədə yeganə çıxış yolunu məhdudiyyətlərin yenidən sərtləşdirilməsində görürlər

 Dünyanın bir çox ölkələri koronavirusla bağlı məhdudiyyətləri yumşaltdıqdan sonra ciddi problemlərlə üzləşiblər. Məhdudiyyətlərin yumşaldıldığı ölkələrdə ...

Sahibkarlara dövlətdən növbəti dəstək - QƏRAR VERİLDİ

 Nazirlər Kabineti koronavirus (COVID-19) pandemiyasının ölkə iqtisadiyyatına mənfi təsirinin azaldılması üçün sahibkarlıq subyektlərinin kreditlərinə dövl...

TƏBİB məlumat yaydı - SON DƏQİQƏ!

 Azərbaycanda süni tənəffüs cihazında olan koronavirus xəstələrinin sayı 59 nəfərdir. Bu barədə Sfera.az Tibbi Ərazi Bölmələrini İdarəetmə Birliyinə ...

Kimlərin koronavirusa yoluxma ehtimalı yüksəkdir? - “E-Təbib”-dən AÇIQLAMA

 Son iki gün ərzində COVİD-19 infeksiyasının yayılmasının qarşısının alınması məqsədilə yaradılan "e-Təbib” mobil tətbiq əlavəsində "sarı" statuslu insanla...