"Hələ çempion deyilik" - Pep Qvardiola
![](https://sfera.az/photo/orginal/2019/04/25/262069.jpg)
İdman
18:29 / 25.04.2019
4464
İngiltərə Premyer Liqasında "Mançester Yunayted"i səfərdə 2:0 hesabı ilə məğlub edərək, vahid lider olan "Mançester Siti"nin baş məşqçisi Pep Qvardiola açıqlama verib.
İspan mütəxəssis hələ çempionluğu həll olunmadığını deyib: "Derbidə qalib gəldik. İndi səfərdə "Börnli"yə qarşı oyunumuz var. Bu oyunun nə qədər çətin keçəcəyini bilirik. Sakit olmalıyıq, hələ çempion deyilik. Həm biz, həm də "Liverpul" yaxşı mövsüm keçiririk. Hər iki komanda çempionluğa layiqdir. İki komandanın qazandığı xallar inanılmazdır. Ötən mövsüm liqada 100 xal baryerini aşmışdıq. Bu mövsüm "Liverpul" da səviyyəsini yüksəltdi və yarışa daxil oldu. İnanılmaz mövsüm keçirirlər. Ancaq hər şey öz əlimizdədir".
Sona 3 tur qalmış Premyer Liqanın turnir cədvəlinə 89 xalla "Mançester Siti" başçılıq edir. 1 xal geri qalan "Liverpul" 2-cidir.