Qalmaqallı videosu yayılan general oğlunun qanunsuz əməllərlə dolu həyatı - TƏFƏRRÜATLAR
12:40 / 05.05.2021
5269
General Novruzəli Orucovun oğlu Rüstəm Orucov marketdə məhsullara ziyan vurmaqla yenidən gündəmə gəlib.
Sfera.az xatırladır ki, eks məmurun oğlu bundan əvvəl də qanunsuz əməllər törətməklə, xuliqanlıqla məşhur olub.
Belə ki, hələ 4 il əvvəl R.Orucov sürücülük hüququndan məhrum olunmasına baxmayaraq, idarə etdiyi BMW markalı 10-OG-300 dövlət nömrə nişanlı avtomobillə yol hərəkəti qaydalarını pozduğuna görə, ona əsaslı irad bildirmiş sürücü Sənan Səmədovun idarə etdiyi marşrut avtobusunu 8 dayanacaq təqib edərək sərnişinlərin narahatlığına və insanlarda vahiməyə səbəb olub. Rüstəm Orucov vətəndaşların gözü qarşısında bir qrup şəxslə həmin sürücüyə xəsarətlər yetirərək xuliqanlıq edib. Elə bu səbəblə də Binəqədi Rayon Məhkəməsinin hökmü ilə R.Orucov 4 il 6 ay müddətinə azadlıqdan məhrum edilib. Maraqlı məqam ondan ibarətdir ki, Rüstəm Orucov törətdiyi hadisədə özünü günahkar hesab etmirdi.
Bundan əlavə, generalın oğlu hər zaman lüks həyat tərzi ilə də diqqət mərkəzində olub. Belə ki, Rüstəm Orucov dəfələrlə bahalı avotmobillərinin, olduğu dəbdəbəli məkanların şəklini sosial şəbəkə hesablarında paylaşaraq müzakirə mövzusuna çevrilib.
Rüstəm Orucovun bu davranışlarına görə atası - general Novruzəli Orucov 2017-ci ildə Həqiqi hərbi xidmətə çağırış baş idarəsinin rəisi vəzifəsindən azad edilib.
İnci
Sfera.az