“Putinin yaxın ətrafı, rusiyalı oliqarxlar və...” – Avropa Birliyindən Rusiyaya qarşı yeni sanksiyalar
12:11 / 22.01.2021
2289
Avropa
Birliyi Parlamenti yeni antirusiya sanksiyaları ilə bağlı çağırış edib.
Avropa
Parlamentinin iclasında iştirak edən 675 deputatdan 581-nin dəstəklədiyi qətnamə,
Avropa Birliyi nümayəndələrinə Rusiyaya qarşı sanksiyaları "bir daha aradan
qaldırmamaq şərtilə” gücləndirməyi tövsiyə edir.
Sfera.az-ın
məlumatına görə, qətnamə məcburi xarakter daşımır. Avropa dövlətlərini Moskvaya
qarşı tətbiq etməyə çağıran daha sərt məhdudiyyətlər arasında "yanvarın 17-də
Almaniyadan Rusiyaya qayıdan müxalifətçinin saxlanması və həbsində əli olanlara
qarşı fərdi sanksiyalar” da yer alıb.
Bundan əlavə,
Avropa Birliyi dövlətlərinə rusiyalı "Oliqarxları, Putinin yaxın ətrafına daxil
olan şəxsləri və Rusiya KİV-inin təbliğatçılarını” hədəf almaq təklif edilir.
AB
parlamentinin yaydığı bəyanatda həmçinin bildirilir ki, "AB-nin insan
haqlarına dair yeni qlobal sanksiya rejimi çərçivəsində əlavə məhdudlaşdırıcı tədbirlər
də qəbul edilə bilər".
Avropa
Parlamenti deputatlarının təklif etdiyi daha bir addım Rusiyanın "Şimal
Axını-2" qaz kəməri layihəsinin "birdəfəlik" dayandırılmasıdır.
Sözügedən
layihənin Amerika və Avropanın təhlükəsizlik maraqlarına təhlükə yaratdığını bəyan
edən Vaşinqtonun sərt müqavimətinə baxmayaraq, rus qazını Avropaya, özəlliklə də
Almaniyaya tədarük edəcək çoxmillətli layihə hazırda inşa mərhələsindədir.
Mənbə: Pravda.ru
Tərcümə: Selcan
Sfera.az
