Proqnozdan 1,07 milyard manat çox vergi toplanıb

Proqnozdan 1,07 milyard manat çox vergi toplanıb
Bu ilin yanvar-sentyabr ayları ərzində İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə proqnozlaşdırılandan 1,068 milyard manat çox vergi toplanıb. 

Sfera.az Dövlət Vergi Xidmətinə istinadən bildirir ki, proqnoza əsasən ilk 9 ayda büdcəyə 5,286 milyard manat vergi ödənişi olmalıydı. Amma yanvar-sentyabr ayları ərzində toplanan verginin məbləği 6,354 milyard manat olub ki, bu da proqnozdan 20,2 faiz çoxdur. 

Dövlət Vergi Xidməti hesab edir ki, vergi yığımlarının artmasının əsas səbəbi 2021-ci ilin yanvar-sentyabr ayları ərzində dövriyyələrin şəffaflaşdırılması istiqamətində aparılan işlər, vergi inzibatçılığının daha da təkmilləşdirilməsi, iqtisadiyyatda müşahidə edilən bərpa templəri olub.

Xidmət proqnoza artıqlaması ilə əməl etməklə bərabər, ötən ilin ilk 9 ayı ilə müqayisədə vergi yığımlarını da artırıb. Artım 12 faiz olmaqla 681,6 milyon manat təşkil edib.

Toplanan verginin 4,707 milyard manatı qeyri neft-qaz sektorunun payına düşüb. Bu sektor üzrə proqnozdan 14,9 faiz çox və ya 609,6 milyon manat vergi yığılıb. Vergilərin həcmi ötən ilin eyni dövrü ilə müqayisədə 10,4 faiz, yaxud 442,7 milyon manat artıq olub.

Vergi yığımlarında müsbət dəyişikliklərdən biri də qeyri neft-qaz sektorunun özəl bölməsi üzrə daxilolmaların nəzərəçarpacaq dərəcədə artmasıdır. Özəl bölmədə əvvəlki ilin eyni dövrü ilə müqayisədə vergi yığımları 17,8 faiz artaraq 3 milyard 600 milyon manata yüksəlib. Regionlar üzrə daxilolmalar 700,9 milyon manat olmaqla, proqnoz 15,7 faiz çox icra edilib.

Ümumilikdə, ödənilən vergilərin 74,1 faizi qeyri neft-qaz sektorunun, 25,9 faizi neft-qaz sektorunun payına düşüb.

Vasif
Sfera.az

Sehliyali
Turan Bank

OXŞAR XƏBƏRLƏR

Torpaq almaq istəyənlərin NƏZƏRİNƏ: Bakıda qiymətlər ucuzlaşdı

Bakıda sentyabr ayında torpaq sahələrinin qiyməti 4,58 faiz ucuzlaşıb. Sfera.az  xəbər verir ki, bunu Trend-ə "MBA Group" konsaltinq şirkətinin direk...

"Türkiyədən gələn məhsullar ucuzlaşmayacaq, Rusiyanın məhsulları isə bahalaşacaq" - PROQNOZ

"Azərbaycanın ən böyük ticarət tərəfdaşlarından olan Türkiyə və Rusiyada milli valyutalarla bağlı maraqlı proseslər gedir”.   Sfera.az bildirir ki, bunu ...

Azərbaycan nefti bahalaşdı

Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 1,54 ABŞ dolları, yaxud 1,81 % artıb. Sfera.az xəbər verir ki, "Az...

Əhalinin banklarda nə qədər pulu var? - RƏSMİ

Azərbaycanda əhalinin (sahibkarlıqla məşğul olan fiziki şəxslər istisna olmaqla) banklarda olan əmanətləri sentyabr ayında 3.1% (263.4 mln. manat) artaraq 8 mil...

Oktyabrın 25-nə USD/AZN rəsmi məzənnəsi

Azərbaycan Mərkəzi Bankı (AMB) oktyabrın 25-nə olan USD/AZN rəsmi məzənnəsini açıqlayıb. AMB-dən Sfera.az-a bildirilib ki, bankın oktyabrın 25-dən etibarə...

Azərbaycan nefti ucuzlaşdı

CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti oktyabrın 21-də 85,15 dollar/barel təşkil edib ki, bu da əvvəlki gös...