No Image
No Image

Prezident: Zəngəzur dəhlizinin taleyi də eyni olacaq...

Prezident: Zəngəzur dəhlizinin taleyi də eyni olacaq...
Bu gün Ermənistanda bəzi revanşist qüvvələr baş qaldıranda bilməlidirlər ki, onların başı lazım olarsa, istənilən zaman əziləcəkdir.

Sfera.az xəbər verir ki, bunu Prezident İlham Əliyev aprelin 20-də Azərbaycan Televiziyasına müsahibəsində deyib.

"Biz imkan verə bilmərik ki, erməni faşizmi yenə baş qaldırsın. Biz imkan verə bilmərik, Ermənistan yenə də öz ordusunu o vəziyyətə gətirib çatdırsın ki, bizə hansısa bir təhdid olsun. Biz əgər mümkün olan təhdidi təsbit etsək, dərhal onu məhv edəcəyik. Bunu hər kəs bilməlidir - həm Ermənistan, həm də onun havadarları. Çünki bu, milli müdafiədir, milli təhlükəsizlik məsələsidir. Bununla paralel olaraq, biz əməkdaşlığa da hazırıq - baxmayaraq ki, Ermənistan azərbaycanlılara qarşı dövlət səviyyəsində soyqırımı törətmişdir. Baxmayaraq ki, bizim bütün tarixi, dini abidələrimiz dağıdılıb, biz gələcəyə baxmalıyıq. Biz, əlbəttə ki, erməni vəhşiliyini heç vaxt unutmayacağıq. Bu gün Ermənistanda böyük hay-haraya səbəb olan Hərbi Qənimətlər Parkının yaradılmasının əsas məqsədi odur ki, Azərbaycan xalqı bu vəhşiliyi heç vaxt unutmasın. Biz heç vaxt unutmamalıyıq. Biz bunu heç vaxt bağışlamayacağıq. Bunu hər kəs bilsin. Amma bununla paralel olaraq, biz öz maraqlarımızı təmin etmək üçün lazımi addımları atmalıyıq. Zəngəzur dəhlizinin yaradılması bizim milli, tarixi və gələcək maraqlarımıza tam cavab verir. Biz Zəngəzur dəhlizini icra edəcəyik, Ermənistan bunu istəsə də, istəməsə də. İstəsə, daha asan həll edəcəyik, istəməsə də zorla həll edəcəyik. Necə ki, mən müharibədən əvvəl və müharibə dövründə demişdim ki, bizim torpağımızdan öz xoşunuzla rədd olun, yoxsa sizi zorla çıxaracağıq. Belə də oldu. Zəngəzur dəhlizinin taleyi də eyni olacaq.

Bizim əsas rəqibimiz zamandır. Çünki dəmir yolunun, avtomobil yolunun çəkilişi vaxt tələb edir. Ona görə bütün güclər səfərbər olunub ki, bu layihə icra edilsin. Beləliklə, Azərbaycan xalqı 101 il bundan əvvəl bizim əlimizdən alınmış Zəngəzura qayıdacaqdır”, - İlham Əliyev bildirib.


 
Sehliyali
Turan Bank

OXŞAR XƏBƏRLƏR

İlham Əliyev: "Bu, Ermənistan ordusunun və dövlətinin çökməsi demək idi"

44 günlük müharibə Azərbaycanın tam Qələbəsi ilə nəticələndi. Azərbaycan tam Qələbə qazandı, işğalçıları qədim Azərbaycan torpaqlarından qovdu və azad edilmiş b...

Azərbaycanın Türkiyə və İsraillə bağlı arzusu reallaşacaqmı? - ŞƏRH

"Türkiyə-İsrail-Azərbaycan üçtərəfli əməkdaşlıq formatının yaradılacağını zənn etmirəm”. Bu sözləri Sfera.az-a açıqlamasında Bakının vasitəçiliyilə Ankara...

İlham Əliyev Günnüt əməliyyatı ilə bağlı bu detalı ilk dəfə AÇIQLADI: "Biz heç üstünü vurmadıq"

"Deyə bilərəm ki, bütövlükdə Azərbaycan Ordusuna xaricdən gətirilmiş texnikaların böyük əksəriyyətinin nümunələri Naxçıvan Muxtar Respublikasında mövcuddur. Əlb...

"Azərbaycan vətəndaşlığını qəbul etməyən ermənilərə 6 ay vaxt veriləcək" - AÇIQLAMA

"Azərbaycan ərazisini tərk etməyən ermənilərə 3-6 ay vaxt verilə bilər".   Bunu Sfera.az-a açıqlamasında politoloq Qabil Hüseynli bildirib.   ...

"Lukaşenko Bakı və Ankaranın timsalında yeni müttəfiqlərə ehtiyac duyur" - ŞƏRH

Son zamanlar Belarus Prezidenti Aleksandr Lukaşenkonun Bakı, Moskva və Ankara istiqamətində fəallıq nümayiş etdirdiyi göz önündədir. Belə ki, bir müddət əvvəl B...

Deputatın təklifinə partiya sədrindən SƏRT REAKSİYA: “Bu vaxtilə olub və böyük faciələrlə nəticələnib”

Hələ 44 günlük müharibədən əvvəl Azərbaycanda bir sıra siyasilər Müdafiə naziri vəzifəsini mülki şəxsin tutmasını təklif edirdilər. Lakin o zaman ərazilərimizin...