B. Məhərrəmov qeyd edib ki, Ağstafa, Yevlax, Neftçala, habelə Biləsuvar Rayon İcra Hakimiyyətinin başçılarının həbsi onu göstərdi ki, cənab Prezidentin islahat iradəsi sarsılmazdır: "Bilirsiniz ki, xüsusən karantin rejiminin tətbiqi ilə əlaqədar yardıma ehtiyacı olan insanlara sosial dəstək üçün ayrılan vəsaitin əhəmiyyətli hissəsinin mənimsəməsi, icra hakimiyyətinin sərəncamında olan digər vəsaitlərdən də öz mənafeləri üçün istifadə etmək kimi əməllər də daxil olmaqla bu kimi vəzifə cinayətləri vətəndaşların haqlı narazılıqlarına səbəb olmuşdur. Dövlət rəhbərliyinin bu faktlara münasibəti çox sərt oldu. Dövlətçiliyə, xalqa və hakimiyyətə xəyanət edən məmur qandallanaraq qanun qarşısına çıxarıldı. Bu həbslər aydın şəkildə göstərir ki, Prezident İlham Əliyevin ölkədə korrupsiyaya və rüşvətə qarşı açdığı mübarizə qətidir. Hələ də köhnə günlərin ab-havası ilə yaşayan hər bir məmur bilməlidir ki, atacağı hər yanlış və qanunsuz addımın bədəli ağır olacaqdır.

Dövlət başçısı İlham Əliyev dəfələrlə deyib ki, məmurların əsas vəzifəsi xalqın xidmətində olmaq, xalq üçün işləmək və dövlətin siyasətini həyata keçirməkdir. Prezidentin həyata keçirdiyi tədbirlər nəticəsində məmur özbaşınalığına, vəzifə səlahiyyətlərindən sui-istifadə hallarının qarşısının alınmasına, utancverici bir şəkildə öz ciblərini doldurmasına, xalqın, dövlətin malını, pulunu mənimsəməsinə son qoyulur. Azərbaycan dövlətinin birmənalı şəkildə bu cür "məmurlardan”, daha doğrusu, məmur adına yaraşmayan insanlardan xilas olunmasının əsl zamanıdır. Şübhəsiz ki, Azərbaycan dövlətinin bütün strukturlarında zəruri islahatlar bundan sonra da davam edəcək. Çünki bu cür islahatlar qaçılmazdır və mütləq davamlı olmalıdır. Hər bir addım Azərbaycan dövlətinin güclənməsinə, ölkəmizin müasir, müstəqil, demokratik dövlətə çevrilməsinə xidmət edir. Prezident İlham Əliyev Milli Məclisin razılığı ilə Azərbaycan Respublikasının yeni Baş prokurorunu təyin etmişdir. Bu posta Korrupsiyaya Qarşı Mübarizə Baş İdarəsinin rəisinin namizədliyinin verilməsi Azərbaycanda korrupsiyaya qarşı aparılan ciddi mübarizənin təzahürüdür. Bu yüksək vəzifəyə uzun illər Azərbaycan Respublikasınin Baş prokuroru yanında korrupsiyaya qarşı Mübarizə Baş İdarəsinin rəisi Kamran Əliyevin təyin edilməsini də mən bu baxımdan çox müsbət addım kimi qiymətləndirirəm. Mənim fikrimcə, Prezident İlham Əliyev bu təyinatla korrupsiyaya qarşı mübarizənin ölkədə aparılan hərtərəfli islahatların prioritetlərindən olduğunu bir daha göstərdi. Milli Məclisin iclasında yeni Baş prokuror Kamran Əliyev ilk çıxışında Azərbaycanda qanunçuluğun daha da möhkəmləndirilməsinın, qanunların aliliyinin, insan hüquq və azadlıqlarının qorunmasının təmin edilməsinin Prezidentimizin siyasi kursunun əsas istiqamətlərindən olduğunu və bütün bunların prokurorluq orqanlarının indiki yeni mərhələdə fəaliyyətinin təməl prinsiplərinin təşkil etdiyini ictimaiyyətə bir daha çatdırdı."