“Paşinyanın ilk bir ili bu işlərin görülməsinə sərf olunacaq” – Politoloq

“Paşinyanın ilk bir ili bu işlərin görülməsinə sərf olunacaq” – Politoloq
Bu gün Ermənistanda 8-ci çağırış Milli Məclisin ilk iclası keçirilib. "Vətəndaş Müqaviləsi” partiyası tərəfindən namizədliyi irəli sürülmüş Nikol Paşinyan yeni baş nazir seçilib.
 
Maraqlıdır, bundan sonra Nikol Paşinyan hansı addımları atacaq?

Mövzu ilə bağlı politoloq Əlimusa İbrahimov Sfera.az-a açıqlamasında xatırladıb ki, Paşinyanın əvvəlki baş nazirlik dövrü ilə indiki tamamilə fərqlənir:

"Ortada  Azərbaycana məğlub olmuş, ordusu dağıdılmış Ermənistan var.  Nikol hələ bir müddət ölkədə əmin-amanlıq yaratmaqla məşğul olacaq. Bildiyiniz kimi müharibədən sonra Ermənistanda vəziyyət olduqca acınacaqlıdır – həm iqtisadi, hərbi, həm də siyasi vəziyyət. Düşünürəm ki, Paşinyanın ilk vəzifəsi müxalif qüvvələri neytrallaşdırmaq olacaq. Çünki bu addımı atmazsa, istədiyi planları həyata keçirə bilməz, müxalif qüvvələr ona mane olar. Həmin qüvvələr isə Robert Köçəryan, Serj Sarkisyanın simasında Ermənistan Qarabağ klanıdır. Onları ram edəndən sonra Paşinyan reformalara başlayacaq.

Azərbaycanla münasibətə gəlincə, birmənalı demək olmaz ki, Paşinyan 10 noyabr və 11 yanvar bəyanatlarından irəli gələn vəzifələri həyata keçirəcək. O, uzun müddət bu razılaşmalardan imtina etməyə çalışacaq.  Bu bəyanatların maddələrini yerinə yetirmək Ermənistanın müxalif qüvvələrini ona qarşı qaldırmağa səbəb ola bilər. Ona görə də o, maksimum çalışacaq ki, bəyanatları yerinə yetirməsin və bu zaman Azərbaycanı da günahlandırmağa cəhd edəcək, əleyhimizə arqumentlər səsləndirəcək. O cümlədən Paşinyanın Rusiyaya meyli azalacaq, bu ölkənin nəzarətindən çıxmaq istiqamətində addımlar atacaq. Fikrimcə, onun bir ili qeyd etdiyim məsələlərə sərf olunacaq”.

Müsahibimiz bildirib ki, Paşinyan bir ildən sonra, üçtərəfli bəyanatlara qayıdacaq və o, Avropa Birliyinin verilən vədlərə yetərincə əməl etməyəcəyini dərk edəcək:

"Eyni zamanda Rusiyanın da istədiyini Ermənistandan alması üçün qüvvəsi kifayət qədərdir. Paşinyan indiki dövr üçün öz xoşu ilə üçtərəfli bəyanatlardan irəli gələn maddələri yerinə yetirməyəcək, Türkiyə və Azərbaycanla yaxınlaşmağa da cəhd göstərməyəcək. Düşünmək olardı ki, bəlkə də iqtisadi vəziyyətin ağırlığı Paşinyanı sözügedən məsələlərə məcbur edə bilər. Amma Avropa Birlliyinin Ermənistana ayırdığı 2,6 milyard avro Nikola iqtisadi vəziyyəti müəyyən mərhələdə düzəltməyə imkan verəcək. Paşinyan və erməni xalqını bu və ya digər işə məcbur etmək lazımdır. Bunu da Azərbaycan xalqı, ordusu edəcək.
Hesab edirəm ki, Azərbaycan maksimum dərəcədə öz iqtisadi potensialını və ordusunu gücləndirməlidir. Bununla yaxın gələcəkdə müharibə gözlənildiyini demək istəmirəm, sadəcə Ermənistan, qarşısında çox güclü dövlətin dayandığını görməlidir. Qeyd etdiyim kimi, Paşinyan  Rusiya və Azərbaycan tərəfindən cəzalandırılacağı vaxta qədər üçtərəfli bəyantalardan irəli gələn məsələlərdən maksimum boyun qaçırmağa, Rusiyadan uzaqlaşmağa çalışacaq. Cəzalandıracağını hiss etdiyi zaman isə Paşinyan müəyyən qədər ipə-sapa yatacaq”.

Günay Rəsulqızı
 
Sehliyali
Turan Bank

OXŞAR XƏBƏRLƏR

Putin-Ərdoğan görüşündən asılı İran siyasəti: ya böyük savaş, ya böyük barış!

"Rusiya Prezidenti Vladimir Putinlə Türkiyə Prezidenti Rəcəb Tayyib Ərdoğan arasında bağlı qapılar arxasında keçiriləcək növbəti görüşün tarixi və yeri açıqla...

GUAM, yoxsa Batumi bəyannaməsi?

Xarici işlər naziri Ceyhun Bayramov BMT sessiyası çərçivəsində Nyu-Yorkda GUAM (Gürcüstan, Ukrayna, Azərbaycan və Moldova) Xarici İşlər Nazirləri Şurasının 37...

“Ərdoğan Azərbaycanı narahat edən məsələləri Putinin diqqətinə çatdıracaq…” - Şərh

"Rusiya və Türkiyə arasında illərdir, tərəfdaşlıq münasibətləri var. Tərəflər hər il bir neçə dəfə görüşür və iki ölkəni maraqlandıran ortaq, eyni zamanda üst...

Ərdoğan Putinlə Azərbaycanda türk bazasını da müzakirə edəcək

Əgər cənab Rəcəb Tayyib Ərdoğan Azərbaycanda Türkiyə hərbi bazasının yaradılmasını Azərbaycan və Türkiyə tərəfinin Putinlə həyata keçirəcəyi görüşlərin fərqli ş...

“Kağızı veriblər əlinə, bu da hıqqına-hıqqına...” – Politoloqdan Həsən Amiliyə tarix dərsi

"Həsən Amili İran İslam Respublikası adlanan ölkənin ali dini rəhbərinin Ərdəbil ostanındakı nümayəndəsidir. Fars-molla rejimi Azərbaycan Respublikasına yönəl...

“İrandan ehtiyat edənlər unudur ki...” – Abdullah Ağar

"İranın Azərbaycanla sərhəddə hərbi təlimlərə start verməsi bu ölkənin bir müddət öncə Azərbaycan, Türkiyə və Pakistan Respublikalarının iştirakı ilə Bakıda k...