“Onlar tanrı tərəfindən göndərilən mələklərdir” – Məşhurlardan anım günü ilə bağlı PAYLAŞIM

“Onlar tanrı tərəfindən göndərilən mələklərdir” – Məşhurlardan anım günü ilə bağlı PAYLAŞIM
Bu gün 44 günlük Vətən müharibəsinin başlanmasından bir il ötür.
 
Sfera.az bildirir ki, tarixi günlə bağlı ölkənin tanınmış simaları da öz fikirlərini bölüşüblər. 

Belə ki, Xalq artisti, müğənni Tünzalə Ağayeva şəhidlər, əsgərlər sayəsində Qarabağda həyatın başladığını vurğulayıb:

"Sözlərlə tarixi ədalətli qələbəmizi, Vətən savaşımızı ifadə etmək çox çətindir. Hər şey acizdir qarşınızda, əziz şəhidlərimiz. Siz, uğrunda canınızı fəda etdiyiniz Vətənin  biz insanlarını tərbiyə etdiniz! Millətimizlə qürur duymağı, dəyərimizi yaxşı bilməyi öyrətdiniz. Sizin əmanət etdiyiniz ailələr, Vətən bizim əmin əllərimizdə olmalı, yaxşı günlər görməlidir. Əminəm ki , ruhunuz şaddır, şad olacaq!”.

Xalq artisti Röya Ayxan da bu günün anlamı ilə bağlı paylaşım edənlər sırasında olub. İfaçı düz bir il əvvəlin bu günündə Ordumuzun tarix yazdığını deyib: 
 
"Qürurverici haldır ki, onlar 30 ilə yaxındır həsrətini çəkdiyimiz, işğal altında olan torpaqlarımızı bizə qaytardılar. Bu uğurda iştirak etmiş, zəfər qazanmağımızda adı olan şəhidlərimizi yad edirik! Qazilərimizə şəfa, şəhid analarına səbr diləyirik”.

İfaçı, Xalq artisti Aygün Kazımova Vətən uğrunda canından keçən şəhidlərimizi hörmət və ehtiramla andığını bildirib:
 
"Xalqımıza zəfər yaşadan qəhrəmanlarımızın ruhları qarşısında baş əyirik. Allah şəhidlərimizə rəhmət eləsin”.

Əməkdar artist Lalə Məmmədova şəhidləri tanrı tərəfindən göndərilən mələk adlandırıb:

"Bir şəhid rəsmi tapın, harda ki, üz-gözündən qəzəb, kin yağsın. Yoxdur! Hamının üzü gülür, sanki bizə "rahat olun, 30 il əvvəlki ədaləti bərpa edəcəyik” deyirlər. Bəli, onlar tanrı tərəfindən Azərbaycana haqq-ədalət bərpa etmək üçün, namusumuzu yumaq üçün göndərilən insan görkəmində mələklərdir. Şəhidsiz zəfər olmur”.

İfaçı Roza Zərgərli qeyd edib ki, bayraqları bayraq edən üstündəki qandır:

"27 sentyabr öz qanı, canı bahasına əzəli torpaqlarımızı bizə geri qaytaran qəhrəmanlarımızın - şəhidlərin anım günüdür. Bu gün həm də bizim üçün qürur yeri hesab olunan, alnımızı açıq, üzümüzü ağ edən, xarı bülbülü düşmən tapdağından azad edən, Cıdır düzünü, İsa bulağını bizə qaytaran 44 günlük müharibənin başlandığı tarixdir. Bütün bu sadaladıqlarımıza görə, biz sizə borcluyuq, əziz Vətən övladları! Ruhunuz şad olsun!”.

Xalq artisti Brilliant Dadaşova bir il əvvəl çox ağır, kədərli günlər yaşadığımızı xatırladıb. "Biz artıq ikinci dəfə müharibə yaşayırdıq. Artıq ürəyimizin yağı qalmamışdı. Çatlarla-çapıqlarla dolu ürəyimizdə birinci Qarabağ müharibəsinin qorxusu var idi - uğursuzluq qorxusu. Ali Baş Komandan, bizi qalib xalqa çevirdiyiniz üçün bu Vətən sizə daima minnətdar olacaq. Həm birinci, həm ikinci Qarabağ müharibəsində şəhid olan oğullar, yaralanan, həyatı faciəyə çevrilmiş bacı və qardaşlarımız, körpə balalar heç vaxt unudulmayacaq”, - deyə Dadaşova əlavə edib.

Türkan
Sfera.az
Sehliyali
Turan Bank

OXŞAR XƏBƏRLƏR

Səidə Sultan yeni klipi üçün soyundu - VİDEO

Müğənni Səidə Sultan son işi ilə səs-küyə səbəb olub.   Sfera.az bildirir ki, ifaçı bu dəfə yeni klipi üçün soyunub. Sultanın kontrabas arxasında verdiyi...

Murad Dadaşovdan aktrisaya jest - FOTO

Xəzər TV-nin rəhbəri, Xalq artisti Murad Dadaşov aktrisa Sənubər İsgəndərliyə jest edib.   Sfera.az bildirir ki, bu barədə aktrisa özü məlumat verib. İsg...

"Puluna görə evlənmişəm" - Özündən 35 yaş böyük kişi ilə ailə quran Diana Əhədpur

Keçmiş model Diana Əhədpur rejissor Nail Naiboğlunun verilişinin qonağı olub.  Sfera.az xəbər verir ki, suallara səmimi cavabları ilə diqqət çəkən Di...

İbrahim Tatlısəs özündən 43 yaş kiçik sevgili tapdı, bu FOTOsu ilə gündəm oldu

Məşhur türkiyəli müğənni İbrahim Tatlıses yeni sevgilisi ilə gündəmə gəlib.   Sfera.az bildirir ki, bu dəfəki iddialara görə, ifaçı özündən 39 yaş kiçik ...

Tanınmış müğənnimiz 35 yaşında ƏRƏ GEDİR- BƏYLƏ FOTOLARI

Bu gün müğənni Sevda Yahyayevanın toy məclisi baş tutacaq. Sfera.az bildirir ki, bu barədə ifaçı özü məlumat verib.  O, toy dəvətnaməsini sosial medi...

Əməkdar artistin evi əlindən alındı

Əməkdar artist Fərqanə Qasımovanın evi əlindən alınıb. Sfera.az  xəbər verir ki, xanəndə bu haqda "Onun sirri" proqramında danışıb. O bildirib ki, gə...