Məşhur aktrisa Bade İşçilin keçmiş əri, iş adamı Malkoç Süalp yeniyetməni döyməkdə ittiham olunur.

Sfera.az qafqazinfo-ya istinadən xəbər verir ki, iddiaya görə, o, azyaşlı oğlu Azurla idman zalına gedib.  Bu zaman məkanda basketbol oynayan bir qrup gəncin söyüşlü dialoqlarının şahidi olub.

M. Süalp yanında uşaq olduğunu bildirərək onlara xəbərdarlıq edib. Lakin 15 yaşlı S. H. iş adamı ilə mübahisə etməyə başlayıb. Bu zaman Malkoç Süalp sözügedən şəxsin boğazından yapışıb. Yeniyetmənin valideynləri hadisədən xəbərdar olduqdan sonra polisə müraciət ediblər.

Aktrisanın eks-həyat yoldaşı isə açıqlama verərək gəncin boğazından yox, ağzından tutaraq söyüş söyməyinin qarşısını aldığını bildirib.