Məlum olduğu kimi, tanınmış aparıcı Elçin Əlibəyli qonşusu, olimpiya çempionu Namiq Abdullayev tərəfindən döyüldüyünü iddia edib. Bu barədə sosial şəbəkədə paylaşım edən aparıcı siyasi motivlərə görə döyüldüyünü və ağır xəsarətlər aldığını iddia edib.

 

Məsələ ilə bağlı Sfera.az-a açıqlama verən olimpiya çempionu Namiq Abdullayev Elçin Əlibəyli ilə nəinki qonşu olmadığını, ümumiyyətlə bu şəxsi tanımadığını bildirib: "Mənim o adamla ümumiyyətlə əlaqəm yoxdur, onu tanımıram, şəxsi tanışlığımız da yoxdur. Ola bilsin, Elçin Əlibəyli adımı hallandırmaqla özünə xal qazanmaq istəyir. Onunla mənim aramda heç nə olmayab. Qonşum da deyil. Adam tapmadı adını hallandırmağa? Onun açıqlamaları gülməli və absurddur".