No Image
No Image

Novruzun ilk çərşənbəsi - Su çərşənbəsi - FOTO

Novruzun ilk çərşənbəsi - Su çərşənbəsi - FOTO

Yurdumuza əsrlərin sınağından çıxmış mənəvi dəyərləri, adət-ənənələri özündə yaşadan, bayramlarımızın şahı sayılan Novruz gəlir.

Ta qədimdən Novruz təbiətin canlanmasının, torpağın oyanmasının, ruhun təzələnməsinin simvolu hesab olunub. Novruz təzə ili, baharın ilk gününü qarşılamaq, gecə ilə gündüzün bərabərləşməsi deməkdir. Xalqımız yeni gün olan Novruz ərəfəsində çərşənbələrə daha böyük önəm verir.

Rəvayətə görə, Tanrı ilk insanı - Adəmi yaradarkən torpağa su qatıb, palçıqdan insan düzəldib, sonra ona isti nəfəs verib, baharda çiçəkləri, otları, ağacları oyadan yellərə əmr edib ki, onu canlandırsın. İnsan da bu dörd ünsürdən yarandığı üçün tarix boyu onları müqəddəsləşdirərək, hərəsinə bir gün ayırıb. Beləcə, yazın - Novruzun müjdəçiləri olan Su, Od, Yel, Torpaq çərşənbələri yaranıb.

Sfera.az AZƏRTAC-a istinadən bildirir ki, bu il Azərbaycanda baharın müjdəçisi olan ilk çərşənbə - Su çərşənbəsi fevralın 23-də, Od çərşənbəsi martın 1-də, Yel çərşənbəsi martın 8-də, ilaxır olan Torpaq çərşənbəsi isə martın 15-i qeyd ediləcək.

Novruzun ilk çərşənbəsi - Su çərşənbəsidir. Su çərşənbəsi ilə bayrama hazırlıqlar başlayır. Deyirlər ki, Tanrı ilk olaraq suyu yaradıb. Buna görə su ilk çərşənbə kimi qeyd edilir. Su çərşənbəsində suyun müqəddəs mahiyyəti bir daha ifadə olunur. Bütün mifik mətnlərdə su həyat verən, dirildən, xoşbəxtlik gətirən müqəddəs bir inam obyekti kimi çıxış edir. Su çərşənbəsi boz ayın dörd müqəddəs çərşənbəsinin ilkidir. Xalq arasında o, "əvvəl çərşənbə", "gözəl çərşənbə", "sular Novruzu", "gül çərşənbə" kimi də tanınır. Su çərşənbəsi suya tapınma inamı ilə bağlıdır. Qorxulu yuxuların suya danışılması ilə insanı izləyən qəzaların dəf olunması inamı türk mifoloji mətnlərinin əsasını təşkil edir.

Su çərşənbəsi suya tapınma ilə başlayır. Su üstündən atlanmaq, arzularını, diləklərini suya danışmaq, sübh tezdən evə bulaq suyu gətirmək və s. bu ayinlərdəndir. İnanclara görə, sübh tezdən bulaqdan götürülən su min bir dərdin dərmanıdır. Su çərşənbəsi ilə bağlı su falları da mövcuddur.

Deyirlər, su həyat mənbəyi, aydınlıq rəmzidir.

Ömrünüz su qədər uzun və pak olsun!

Sehliyali
Turan Bank

OXŞAR XƏBƏRLƏR

Həbibin qələbəsi internetdə papaq bumu yaratdı

Yüngül çəkidə UFC çempion titulu uğrunda dağıstanlı döyüşçü Həbib Nurməməhəmmədov və irlandiyalı Konor Makqreqor arasında baş tutan döyüş azarkeşlərlə yanaşı ti...

Heç istifadə etməsək də üstdəki dəlik görün nə üçün imiş bilirsinizmi? - FOTO

Daha əvvəl fərq etdinizmi bilmirik, ancaq idman ayaqqabılarda ən yuxarıda əlavə iki ədəd dəlik yer alır. Sfera.az bildirir ki,bu dəliklər təbii ki, boşu boşuna...

Müdafiə nazirindən Qələbə Günü ilə bağlı əmr -FOTO

Azərbaycan Respublikası Müharibə, Əmək və Silahlı Qüvvələr Veteranları Təşkilatının konfrans zalında Böyük Vətən müharibəsinin veteranları ilə görüş keçirilib. ...

Ehtiyatlı olun: “WhatsApp”da tələ

"WhatsApp” vasitəsilə istifadəçilərə xüsusi viruslar göndərilir. Belə ki, istifadəçinin tələyə düşməsinin əsas səbəbi mesajı göndərənin kim olduğuna baxmamasıdı...

Erməni tankının izi belə qalmadı - VİDEO

Tankın qülləsi onlarla metr kənara uçub. Rusiyanın Donbas separatçılarını təbliğ edən news-front.info portalının reportyoru aprelin 2-dən 5-nə qədər qanlı...

Bakıda mindən çox bina söküləcək

Bakı şəhərinin Suraxanı, Nəsimi, Xətai, Nərimanov, Nizami, Yasamal, Səbail, Pirallahı, Xəzər rayonlarının ərazisində abadlıq-quruculuq işlərinin davam etdirilmə...