“Hər birimiz son dərəcə ayıq-sayıq olmalıyıq” - Qüdrət Həsənquliyev

“Hər birimiz son dərəcə ayıq-sayıq olmalıyıq” - Qüdrət Həsənquliyev

Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin xalqcebhesi.az saytına müsahibəsini oxuculara təqdim edirik:

 

- Qüdrət bəy, İranda Süleymaninin anım mərasimində baş vermiş terror hadisəsi barədə fikirləriniz necədir?

 

- Siyasi motivlərlə günahsız insanların öldürülməsi insan vəhşiliyinin son həddidir. Terror qurbanlarının yaxınlarına başsağlığı verirəm, yaralılara şəfa diləyirəm. Bu acımasız qanlı cinayətin motivini daxildəki zidiyyətlər də təşkil edə bilər, İranın düşmən olduğu xarici dövlətlərin xüsusi xidmət orqanları da törədə bilər. Amma kimin hansı motivlə törətməsindən asılı olmayaraq, Allah onların cəzasını verəcək. Təəssüf ki, bu gün hətta dünyanın demokratik, inkişaf etmiş ölkələri belə siyasi məqsədlərlə terrordan, terror təşkilatlarından istifadə edirlər. Türkiyəyə qarşı terror aktları törədən PKK-nın onun NATO üzrə “müttəfiqi” ABŞ tərəfindən dəstəklənməsi gözümüzün önündə baş verir. O cümlədən, İran da zaman-zaman terrora əl atır. Azərbaycan səfirliyinə və deputat Fazil Mustafaya qarşı törədilən son terror aktları bunun əyani sübutudur.

 

- İran narkotik maddələrin qaçaqmalçılıq yolu ilə Azərbaycana göndərilməsində də ittiham olunur. Bu məsələyə də münasibət bildirmənizi istərdik.

 

- Bu da acı bir həqiqətdir. Amma ədalət naminə onu da söyləyək ki, ölkəmizə İrandan daxil olan səviyyədə olmasa da, Avropadan, Türkiyədən, dünyanın müxtəlif ölkələrindən narkotik maddələr gətirilir. Təəssüf ki, narkotik maddələrin yayılmasının qarşısını almaq, bu bəlanın kökünü kəsmək dünyanın heç bir ölkəsinə müyəssər olmayıb, o cümlədən Azərbaycana. Mən əvvəllər də demişəm, narkotiklərin yayılması ilə bağlı həyəcanlı çıxışlar heç də həmişə xoş niyyətlə edilmir. Məsələn, narkotiklərin yayılması ilə məşğul olanlar vətəndaşları qorxudub polisə müraciətdən çəkindirək üçün belə bir məlumat yayırlar ki, polisin bu işdə əli var. Bilirlər ki, geniş ictimai dəstək olmadan bu bəlaya qarşı effektli mübarizə aparmaq mümkünsüzdür. Bəziləri DİN-i gözdən salmaq üçün sifarişlə belə bir kampaniya aparır və s. Azərbaycanda dövlət orqanları narkotiklərin qarşısını almaq üçün bacardıqlarını edirlər, çünki buna qarşı mübarizə aparmalı olan vəzifəli şəxslərin də övladları, əzizləri bu bəlanın qurbanı ola bilər. Gənclərimizi, millətimizin genefondunu xilas etmək üçün narkotiklərə qarşı mübarizə işi daim təkmilləşdirilməli, gənclərin təhsilinə, işlə təmin olunmasına xüsusi diqqət yetirilməli, maarifçilik işi gücləndirilməlidir. Bununla bütün dövlət orqanları, hər kəs məşğul olmalıdır. İranla, terrorçuluğa son qoyulması, narkotiklərin ölkəmizə ötürülməsi, dini ekstremizmin yayılması kimi məsələlər dövlət başçıları səviyyəsində müzakirə olunub həllini tapmalıdır.

 

- Qayıdaq terror məsələsinə. Azərbaycanda da bu miqyasda terror aktları törədilə bilərmi?

 

- Bu gün DİN,xüsusi xidmət orqanları ölkədə kriminogen duruma tam nəzarət edir, sabitliyi, əmin-amanlığı, dövlətin təhlükəsizliyini tam təmin edirlər. Amma belə hadisələrdən tam sığortalanmaq mümkün deyil. Ölkəmizdə prezident seçkiləri kampaniyası başlanıb, istisnasız olaraq böyük qonşularımızın hamısı, Rusiya və İran müharibə və münaqişələrin, Türkiyə terrorla mübarizənin aktiv iştirakçısıdır. Ermənistanla sülh sazişi imzalanmayıb, müharibə vəziyyətindəyik. Ona görə hər birimiz son dərəcə ayıq-sayıq olmalıyıq. Xüsusilə, kütləvi siyasi tədbirlərin keçirilməsi təhlükəlidir. Ona görə ki, adətən kütləvi siyasi tədbirlər bu cür terror aktlarının hədəfi olur. Bütün bunları nəzərə alaraq namizədlərə səslənirəm ki, təbliğat kampaniyası zamanı açıq havada kütləvi tədbirlərin təşkilindən imtina etsinlər. MSK isə bunun qarşılığında namizədlərə daha çox efir vaxtı ayırsın.


OXŞAR XƏBƏRLƏR

Alimlər ilk görüşdə qadın və kişilərin əsas səhvlərini açıqlayıblar

Polşa və ABŞ-dən olan beynəlxalq alimlər qrupu kişi və qadınların ilk görüşlərdə özləri haqqında danışarkən (özünü təqdimat) buraxdıqları əsas səhvləri müəyyən ...

Borc içində batan işçi 100 min dollar dəyərində almaz tapıb - FOTO

40 yaşlı Raju Qond istənilən işlə məşğul olsa da, illərlə yoxsulluqdan qurtula bilməyib. Lakin o, təxminən 100 min dollar dəyərində 19,22 karatlıq almaz tapdıqd...

Tarixdəki ən böyük kütləvi qəza: 146 delfin

Okean Yer səthinin böyük hissəsini əhatə edir və bir çox nadir heyvan növlərinə ev sahibliyi edir. Təəssüf ki, alimlər hər il məməlilərin özlərini kütləvi sahil...

Həkimlər sağlam yuxunun sirrini açıblar

Bir insanın maksimum məşğulluğu sağlamlıq və sağlam yuxuya kömək edir.   Sfera.az xəbər verir ki, bunu pediatr Piroqova Alexander bildirib.   ...

Sabah bu ərazilərdə işıq olmayacaq

Cənub regional enerji təchizatı və satışı idarəsinə (RETSİ) daxil olan rayonların elektrik şəbəkələrində şənbə günü iməclik işlərinin keçirilməsi ilə əlaqədar s...

Aygün Kazımovanın adından dələduzluq -Saxta bilet satırlar

Xalq artisti Aygün Kazımovanın adından dələduzluq edilib.    Sfera.az xəbər verir ki, TikTok-da "Fərişş_Ticket" adlı səhifə Pop kraliç...