“Hökumətin məqsədi büdcəyə daha çox vəsait toplamaq yox, yeni iş yerlərinin açılması olmalıdır”

“Hökumətin məqsədi büdcəyə daha çox vəsait toplamaq yox, yeni iş yerlərinin açılması olmalıdır”

Qüdrət Həsənquliyev: “Yeni iş yerləri açılarsa, bu zaman büdcə gəlirləri onsuz da artacaq”

 

Moderator.az Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin xalqcebhesi.az saytına müsahibəsini oxuculara təqdim edir.

 

- Qüdrət bəy, Rusiya Federasiyasının prezidenti ölkənin baş nazirinə inzibati orqanların, icra hakimiyyəti və bələdiyyə qurumlarının sahibkarların biznes fəaliyyətini yoxlamağı 01 oktyabr tarixdən qadağan edən qanun layihəsinin hazırlanmasını tapşırıb. Ölkədə qanunun aliliyi təmin edilmirsə bu, iqtisadiyyatın inkişafına töhfə verə bilərmi ?

 

- Ölkədə qanunların aliliyi tam təmin olunmasa belə, bu, biznes mühitini yaxşılaşdıracaq. Biznes subyektlərinin yoxlanılması yalnız vergi orqanlarına tapşırılacaq. Onlar sahibkarın qanunsuz olaraq “qanını” alanda belə biləcəklər ki, onun bərpası üçün zaman lazımdır. Əks halda “ölə” bilər. Cinayət xarekterli faktlar aşkarlandıqda isə onu İstintaq Komitəsinə göndərəcəklər. Bu halda daha bizdəki kimi özləri istintaq aparmayacaqlar. Hüquq mühafizə orqanları hər hansı cinayət işinin istintaqı zamanı iqtisadi fəaliyyət sahəsində cinayət faktları ilə rastlaşarsa, həmin faktların yoxlanılması vergi orqanlarına göndəriləcək. Bu sahibkarları müəyyən mənada qoruyacaq. Yoxsa bir dövlət orqanı gedir, digəri gəlir və hər biri “qan” alanda sahibkar o dünyalıq olur. Ona görə də heç kim Rusiya iqtisadiyyatına investisiya qoymur, kapital xaricə axır.

 

- Azərbaycanda da oxşar qərarın qəbulunu mümkün sayırsınızmı?

 

- Prezident keçən ay “Biznes mühiti və beynəlxalq reytinqlər üzrə Komissiya”nın tərkibində dəyişiklik etdi. Ümid edək, yeni tərkibdə komissiya fərqində olacaq ki, əlverişli biznes mühiti yaratmaq üçün ciddi adımlar atmağa ehtiyac var. Qarabağın bərpası üçün böyük məbləğdə vəsait lazımdır. Neft və qaz satışından gələn gəlirlər isə yetərli deyil. Buna baxmayaraq, hökumətin məqsədi büdcəyə daha çox vəsait toplamaq yox, yeni iş yerlərinin açılması olmalıdır. Yeni iş yerləri açılarsa, bu zaman büdcə gəlirləri onsuz da artacaq. Amma yeni iş yerləri açılmadan gömrük və vergi proqnozları sistemli şəkildə hər il artırılırsa, bu kiçik və orta biznesi çökdürür. Düşünürəm, Rusiyanın təcrübəsindən istifadə faydalı olardı. Azərbaycanda da vahid İstintaq Komitəsinin yaranmasına ehtiyac var.


OXŞAR XƏBƏRLƏR

Qripin ağciyərlərə vurduğu zərərin qarşısını alan dərman hazırlandı

Yeni hazırlanmış dərman qripin yaratdığı iltihabın səbəb olduğu ağciyər zədələnməsinin qarşısını ala bilib.   Sfera.az bildirir ki, qripə səbəb olan qr...

Gürcüstan parlamentində kütləvi dava düşdü

Gürcüstan parlamentində “Xarici agentlər haqqında qanun”un müzakirəsi zamanı səs-küylü insident yaşanıb.    Sfera.az bildirir ki, Gü...

Bakı və Belqrad arasında mühüm telefon danışığı

15 aprel 2024-cü il tarixində xarici işlər naziri Ceyhun Bayramov Serbiya Baş nazirinin birinci müavini, xarici işlər naziri İvitsa Daçiç ilə telefon danışığı a...

70 yaşlı məşhur amerikalı aktyor mərhum oğlunun fotosunu paylaşdı

70 yaşlı məşhur amerikalı aktyor Con Travolta mərhum oğlu Cettin xatirəsini ehtiramla yad edib. O, arxiv görüntülərini İnstaqramda paylaşıb.   Sfera....

Hakimin sinif yoldaşı olduğunu görüb göz yaşlarına boğulan məhbus - VİDEO

2015-ci ildə Artur But adlı şəxs oğurluqda ittiham olunaraq hakim qarşısına çıxıb. Hakimin orta məktəbdə sinif yoldaşı Mindi Qleyzer olduğunu anlayanda göz yaşl...

Qadınları xilas etmək üçün 300-dən çox kişini öldürən qatil: Madam Popova

Tarix boyu araşdırsaq, çox maraqlı personajlarla rastlaşırıq. Bu adlardan biri də Madam Popovadır. Ərləri tərəfindən işgəncələrə məruz qalan qadınları xilas və ...