“Nifrət panfarsist rejimin sonunu gətirəcək”

“Nifrət panfarsist rejimin sonunu gətirəcək”

Qüfrət Həsənquliyev: “İrandakı rejim dini ideologiyaya yox, panfarsizm dünyagörüşünə söykənir”

 

Sfera.az Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin xalqcebhesi.az saytına müsahibəsini təqdim edir:

 

– Qüdrət bəy, İran parlamentinin Azərbaycana qarşı qıbul etdiyi qərəzli sənədlə bağlı Milli Məclisin bəyanatını “yumşaq” adlandırdınız. Niyə?

 

– Çünki Bəyanatda İranın Azərbaycana qarşı düşmənçilik siyasəti yürütməsi, terroru dəstəkləməsi, regional sabitlik üçün təhlükəyə çevrilməsi, dövlət siyasətinin panfarsizm ideologiyasına əsaslanması, xalqlar həbsxanasına çevrilməsi, son bir neçə ayda azadlıq istəyən və iş istəyən 500-dən artıq müsəlman gənci qətlə yetirməsi, işğalçı Ermənistanı dəstəkləməklə Cənubi Azərbaycanda yaşayan soydaşlarımıza həqarət edib onları alçaltması, Kafanda konsulluq açmaqla Zəngəzur dəhlizinin açılmasına və bunla da müsəlmanlar arasında rahat gediş-gəlişə mane olmaq istəyi açıq mətnlə deyilmir.

 

Orta əsr idarəetməsinə qarşı çıxıb azadlıq istəyn gəncləri qətlə yetirən rejim Fələstində İsrail polisinin zorakılığından danışır. Biz hər cür zorakılığa və terrora qarşıyıq, o cümlədən Əl-Əqsa məscidində aşırı güc tətbiq edən İsrail polisinin zorakılığını qınayırıq. Məsələnin bu tərəfi aydındır. Amma başqa bir məqam da var: Bəs İranda azadlıq istəyən 500-dən çox müsəlman gəncin qətlə yetirilməsini kimin vicdanına yazaq?

 

Bəyanatda deyilməliydi ki, İrandan fərqli olaraq İsrail işğalçını dəstəkləməyib, sözdə yox, əməldə Azərbaycanın ərazi bütövlüyünü dəstəkləyib, bizə müasir silahlar satıb, diplomatik dəstək verib və biz bunu unuda bilmərik. O da deyilməliydi ki, İran 1992-ci ilin mayında Azərbaycanın dövlət başçısını sülh danışıqları adı altında Tehrana dəvət edib Şuşanın işğalına şərait yaradıb. İranın Şuşanın işğalından sonrakı sükutu buna şübhə yeri qoymayıb. Çünki heç bir özünə hörmət edən dövlət belə bir vəziyyətlə barışa bilməzdi.

 

– Bizə olan bu düşmənçilik münasibətinin səbəbi nədir?

 

– Onaları narahat edən Azərbaycanın dünyəvi və müstəqil ölkə olmasıdır. Panfarsistlər müasir və inkişaf edən Azərbaycanın Cənubi Azərbaycanda milli oyanışa səbəb ola biləcəyini düşünürlər. Çalışırlar ki, cənublular bizi problemlər və səfalət içərisində çabalayan bir ölkə kimi görsün. İrandakı rejim dini ideologiyaya yox, panfarsizm dünyagörüşünə söykənir. Problemlər də burdan qaynaqlanır. Rejim türklərə, İranda yaşayan digər xalqlara nifrət edir. Amma bu nifrət rejimin sonunu gətirəcək. Biz farslara yox, fars sovinizminə qarşıyıq. İrandakı rejim ölkənin bütövlüyünü qorumaq istəyirsə digər xalqlara hörmət etməli, onlar barəsində aşağılayıcı lətifələr qoşub fars olmayanların milli heysiyyatına toxunmamalı, onlara öz dillərində yazıb-oxumağa, mədəniyyətlərini inkişaf etdirməyə imkan yaratmalıdır. Başqa xalqları əsarət altında saxlamaq üçün öz millətini – farsları da adi insani hüquqlardan məhrum etməməlidir.

 

Biz İranla həmişə yaxın qonşuluq münasibətləri qurmaqda və sıx əməkdaşlıqda maraqlı olmuşuq, bu gün də maraqlıyıq. Həmişə bəyan etmişik ki, bizim başqa dövlətlərlə əməkdaşlığımız İrana qarşı yönəlməyib, biz heç vaxt öz ərazimizdən İrana qarşı istifadə olunmasına yol verməyəcəyik. Biz İranın daxili işlərinə qarışmamışıq, seperatizmi dəstəkləməmişik. Amma çadraya bürünmüş panfarsistlərin bizə münasibətdə yürütdüyü düşmənçilik siyasəti yaxın qonşu və dost ölkələr olmağımıza imkan vermir. İran yanlış olaraq düşünür ki, Azərbaycanla düşmənçilik onların maraqlarına cavab verir. Yaranmış gərginliyə və münasibətlərin korlanmasına görə bütün məsuliyyət İranın üzərinə düşür. İran münasibətlərin normal məcraya düşməsini istəyirsə Azərbaycana yönəlik düşmənçilik siyasətinə son qoymalı, işğalçını və seperatizmi dəstəkləməməli, Zəngəzur dəhlizinin açılmasına mane olmamalıdır.


OXŞAR XƏBƏRLƏR

Nadir Qafarzadədən SƏRT SÖZLƏR: "Hara baxırsan, 3 dılğırı görürsən"

Müğənni Nadir Qafarzadə sosial şəbəkə hesabında canlı yayımda giley-güzar edib.   Sfera.az xəbər verir ki, müğənni ad çəkmədən hədəf aldığı məşhurlar...

Türkiyə XİN başçısı: "Əsas məsələ Azərbaycan-Ermənistan münasibətlərinin normallaşmasıdır"

Hazırda əsas məsələlərdən biri Azərbaycan və Ermənistan arasında münasibətlərin normallaşmasıdır.   Sfera.az xəbər verir ki, bunu Türkiyənin xarici i...

Hakan Fidan: "Beynəlxalq nizam iflic duruma düşüb"

Beynəlxalq nizam fəaliyyətsiz duruma düşüb.   Sfera.az xəbər verir ki, bunu Türkiyənin xarici işlər naziri Hakan Fidan Antalya Diplomatiya Forumunun ...

Bu ölkələr arasında müharibə başlaya bilər – Politoloq AÇIQLADI

İran qonşu Əfqanıstanla sərhəddə divar tikmək istəyir. İran rəsmiləri bunu onunla əsaslandırırlar ki, Əfqanıstandan miqrant axını azalmır və narkotrafik də öz i...

"Əl-Nəsr"in azarkeşləri Ronaldonu kövrəltdi - VİDEO

"Əl-Nəsr" azarkeşlərinin dəstəyi Kriştiano Ronaldonu kövrəldib.   Sfera.az bildirir ki, Səudiyyə Ərəbistanı Pro Liqasının son matçında &quo...

Kreditlərinizi Kapital Bank-a gətirin daha sərfəli şərtlər əldə edin

Kapital Bank digər banklarda kredit öhdəliyi olan müştərilər üçün "Refinans" kredit imkanını təqdim edir. Belə ki, bu xidmətdən faydalanmaqla müştəril...