Müharibə uzanır: Putin yeni qərarlar qəbul edəcək – “Nüvə silahı da seçimlər arasındadır…”

Müharibə uzanır: Putin yeni qərarlar qəbul edəcək – “Nüvə silahı da seçimlər arasındadır…”
Rusiya Prezidenti Vladimir Putinin ambisiyaları Rusiyanın əlində olan adi silahların potensialı ilə üst-üstə düşmür. Bu barədə ABŞ Milli Kəşfiyyat İdarəsinin Direktoru Avril Heyns Konqresdə müzakirələr zamanı məlumat verib. 

Onun sözlərinə görə, Rusiya rəhbərliyi artıq Ukraynada əməliyyatı qısa müddətdə bitirməyin mümkün olmayacağı fikri ilə razılaşırlar. 

Mövzu ilə bağlı Sfera.az-a danışan politoloq Əlimusa İbrahimov Kremlin uzunmüddətli müharibəyə hazırlaşdığını deyib:

"Kreml uzunmüddətli üzücü müharibəyə hazırlaşır. Cəbhədə nəzərəçarpacaq nailiyyətlər əldə etməyən Putin ölkə daxilində ciddi addımlar ata bilər. Ölkənin müharibə relsinə keçirilməsi, hərbi vəziyyətin elanı, sənaye istehsalının istiqamətinin dəyişdirilməsi Putinin ata biləcəyi addımlar sırasındadır.
ABŞ kəşfiyyatının başçısı Putinin nüvə silahından istifadəyə qalxacağına inanmır, yəni kəşfiyyatın əlində bunu təsdiq edəcək sübut yoxdur. ABŞ Müdafiə Nazirliyi Kəşfiyyat idarəsinin başçısı general-mayor Skott Berrier də bildirib ki, ABŞ-da Rusiyanın bu yaxınlarda taktiki, yaxud hərbi nüvə silahına əl atacağına inanmırlar”.

Ekspert ABŞ-ın Rusiya qarşısında nüvə məsələsi ilə bağlı hansısa dəqiq informasiya verə bilməyəcəyini də sözlərinə əlavə edib:

"Amerika kəşfiyyat xidmətinin məlumatını Rusiya rəhbərliyinin son zamanlarda nüvə silahından istifadə edə biləcəyi haqqında söhbətləri kəsməsi də sübut edir. Lakin sona qədər Rusiyaya etibar etmək mümkündürmü? Yaxud birmənalı olaraq təsdiq etmək olarmı ki, Rusiya bu hərbi əməliyyatın onu hara aparacağından asılı olmayaraq sona qədər nüvə silahına əl atmayacaq? Düşünürəm ki, ABŞ kəşfiyyat idarələri indiki halda bu sualların cavabını verə biləcək imkanlara malik deyil”.

Əzizə Zeynal 
Sfera.az



OXŞAR XƏBƏRLƏR

“Ermənistanla bu səbəblə sülh imzalanmayacaq” – Politoloqdan AÇIQLAMA

"Ermənistanın Azərbaycanla qısa müddətdə sülh müqaviləsini bağlaması real görünmür. Erməni tərəfi Azərbaycana təqdim etdiyi 6 bəndlik təklifin iki bəndi Azərbay...

"Rusiya ilə NATO arasında nüvə müharibəsi ehtimalı artır" - AÇIQLAMA

"Ukraynanın silahla təmin edilməsi NATO ilə Rusiya arasında potensial münaqişə ehtimalını artırır, nüvə müharibəsinə çevrilə bilər. Bu isə hamı üçün fəlakətli s...

Pentaqon rusiyalı hərbçilərlə gizli danışıqlar aparır? - "Putini devirməyə çalışacaqlar..."

Ötən gün Rusiyada bir gündə 5 qubernatorun istefa verməsi ilə bağlı müxtəlif fikirlər səsləndirilir. Bir qism artıq ölkədə siyasi hakimiyyətin böhran vəziyyətin...

Müharibə uzanır: Putin yeni qərarlar qəbul edəcək – “Nüvə silahı da seçimlər arasındadır…”

Rusiya Prezidenti Vladimir Putinin ambisiyaları Rusiyanın əlində olan adi silahların potensialı ilə üst-üstə düşmür. Bu barədə ABŞ Milli Kəşfiyyat İdarəsinin Di...

Ukraynalı nazirin son çıxışının ŞİFRƏLƏRİ: “Müharibə davam edəcək və...”

"Qərbdəki müttəfiqlərimiz vəd etdikləri ağır silahları tez tədarük etsələr, Rusiya qoşunlarını Ukrayna ərazisindən tamamilə çıxara biləcəyik. Müharibənin ilk ay...

Makron Rusiya-Ukrayna məsələsində niyə bu qədər canfəşanlıq edir? - Pərdəarxasındakı detallar

Fransa prezidenti Emmanuel Makron ikinci dəfə prezident seçiləndən sonra Rusiya-Ukrayna arasında atəşkəsin imzalanması istiqamətində xüsusi canfəşanlıq göstərir...