Müğənnini boşanmaq istəmədiyi üçün öldürübmüş - Moteldəki qətlin TƏFƏRRÜATI

Müğənnini boşanmaq istəmədiyi üçün öldürübmüş - Moteldəki qətlin TƏFƏRRÜATI
Ötən il sentyabrın 2-də Bakıda yerləşən moteldə əri tərəfindən öldürülən Şəhanə Şamilovanın qətlinin təfərrüatı məlum olub.

Sfera.az xəbər verir ki, hadisə Bakıda yerləşən "Salt” moteldə baş verib. 1982-ci il təvəllüdlü Murad Şamilov həyat yoldaşı, 1985-ci il təvəllüdlü Ş. Şamilovanı bıçaqla qətlə yetirib.

Məhkəmədə dindirilən M.Şamilov Ş.Şamilovadan boşanmaq istəmədiyini, hadisəni qısqanclıq zəminində törətdiyini deyib: "Şəhanə boşanmaq üçün məhkəməyə müraciət etmişdi, mən isə barışmaq istəyirdim. O, iki aydır anası ilə Xırdalanda yaşayır, obyektlərdə müğənnilik edirdi. İşlədiyi obyekti tapıb barışmaq üçün yanına getdim. Bir az söhbət etdik, boşanmaq istəmədiyimi desəm də, razılaşmadı. Səhəri gün Şəhanəni Şıxov qəsəbəsindəki "1001 gecə” restoranına apardım. İnzibatçı ilə danışıb ondan arvadımı müğənni kimi işə götürməsini xahiş etdim. O da xahişimi nəzərə alaraq təklif etdiyim şərtlə razılaşdı. Sonra Şəhanəyə yemək yeməyi təklif etdim, birlikdə "Salt” motelinə getdik”.

M.Şamilov bildirib ki, motel otağında spirtli içki qəbul ediblər: "O, sərxoş vəziyyətdə intim söhbətlər, mənim qəbul edə bilməyəcəyim təkliflər edirdi. Şəhanənin bu sözlərinə əsəbiləşib "gic-gic danışma” deyib yataqdan qalxdım və əynimizi geyindik. Yenə də aramızda olan keçmiş mübahisələrdən danışmağa başladıq. Danışıq zamanı Şəhanəyə barışmağı təklif etdim. Lakin Şəhanə barışacağımız təqdirdə onun heç bir işinə qarışmayacağımı, toy məclislərində olarkən restoranda gözləməyəcəyimi, heç kimə qısqanmayacağımı, istədiyi yerə getməsinə qarışmayacağımı və sair, bu kimi şərtlər irəli sürdü. Mən də ona bu şərtlərlə razılaşmayacağımı dedikdə aramızda mübahisə yarandı”.

M.Şamilovun ifadəsinə görə, qadın uşaqlarını ondan alacağını, kiçik qızının atasının başqa kişi olduğunu deyib: "Mən də hirslənib maşının baqajından özümlə gətirdiyim bıçağı götürdüm. Ona 7-8 zərbə vurdum. Sonra da 102-yə zəng edib məlumat verdim”.

Bakı Ağır Cinayətlər Məhkəməsinin hökmü ilə M.Şamilova 18 illik həbs cəzası verilib. Qərardan narazı qalan mərhumun anası Bakı Apellyasiya Məhkəməsinə müraciət edərək kürəkəninə ömürlük həbs cəzası verilməsini tələb edib. Məhkəmə birinci instansiyanın qərarını dəyişdirmədən saxlayıb. /Qafqazinfo

Sehliyali
Turan Bank

OXŞAR XƏBƏRLƏR

Dörd rayondan oğurluq edənlər tutuldu, biri yeniyetmə qız, o biri... - FOTOLAR

Qaxda 4 rayonda oğurluq edənlər saxlanılıb. Daxili İşlər Nazirliyi mətbuat xidmətinin Şəki regional qrupundan Sfera.az-a verilən məlumata görə, Qax rayon ...

Uşaqları öldürüb qanını içən "vampir" ləqəbli qatil həbsdən qaçdı - Üç polis saxlanıldı

Keniyada "vampir” ləqəbli cinayətkar həbsdən qaçıb.   Sfera.az bildirir ki,  Masten Milimo Vanjala adlı şəxsin saxlanıldığı polis mərkəzindən yoxa ç...

Azərbaycanda şirkət rəhbəri HƏBS EDİLDİ

"Riyad” Şirkətlər Qrupunun rəhbər şəxslərindən biri İlham Məmmədov həbs edilib. Sfera.az "Qafqazinfo”ya istinadən xəbər verir ki, İ.Məmmədov Cinayət Məcəl...

Azərbaycanda kriminal avtoritet tutuldu - FOTOLAR

Şirvan sakinlərindən narkotik və odlu silah aşkarlanıb. Daxili İşlər Nazirliyinin mətbuat xidmətinin Şirvan regional qrupundan Sfera.az-a verilən məlumata...

Qadına əxlaqsız təklif, döyüb... - HADİSƏ ANI

Abşeron rayonu, Ceyranbatan qəsəbəsində qadını döyüb pulunu və qiymətli əşyalarını ələ keçirən şəxs saxlanılıb. Daxili İşlər Nazirliyindən Sfera.az-a veri...

"Whatsapp"da insanların kart məlumatlarını oğurlayan bunlar imiş - FOTOLAR

Son günlər Daxili İşlər Nazirliyinə vətəndaşlardan bank kartlarından müxtəlif məbləğlərdə pul vəsaitlərinin oğurlanması, həmçinin "Whatsapp” ani mesajlaşma proq...