“Monitorinq Mərkəzindən problem həll etməsini gözləmək doğru deyil” – Türkiyəli hərbi ekspertlə MÜSAHİBƏ

“Monitorinq Mərkəzindən problem həll etməsini gözləmək doğru deyil” – Türkiyəli hərbi ekspertlə MÜSAHİBƏ
Qarabağdakı son durum, bölgədə gərginləşən münasibətlər sistemi və bundan çıxış yolları ilə bağlı Türkiyənin terror və təhlükəsizlik üzrə eksperti Abdullah Ağar Sfera.az-a müsahibə verib.

Onun fikirlərini təqdim edirik.


- Laçında keçirilən hərbi təlimlər başda Ermənistan olmaqla, bir çox dövlətləri narahat edib. Azərbaycan və Türkiyənin indiki halda belə bir hərbi təlim keçirməsinin səbəbləri nədir?

- Azərbaycanın beynəlxalq hüquqla tanınan torpaqlarında Türkiyə ilə birlikdə hərbi təlimlər keçirməsi heç kəsi narahat etməməlidir. Ermənistanın bundan narahat olması isə xüsusilə yersiz və mənasızdır. Bu gün Ermənistanın dövlət sərhədlərini Rusiya hərbiçiləri qoruyur və rəsmi İrəvan faktiki olaraq, Rusiyanın daxili subyektlərindən biri halına gəlib. Belə bir ölkənin Azərbaycana hər hansı məsələ ilə bağlı irad bildirmək və ya etiraz etmək haqqı yoxdur.
Azərbaycanın öz torpaqlarında Türkiyə ilə birgə hərbi təlimlər keçirməsində qeyri-adi heçnə yoxdur. İki ölkə arasında imzalanan müvafiq hərbi razılaşmalara əsasən silahlı qüvvələrin birlikdə təlim keçməsi mümkündür.
 
- Rusiya sülhməramlılarının komandanı R.Muradovun səlahiyyət müddəti başa çatıb və onu bu vəzifədə general-mayor Mixail Kosobokov əvəz edir. Budan dərhal sonra isə Ermənistanın müdafiə naziri Arşak Karapetyanın yeni komandan və Rusiyanın Gümrüdəki 102-ci hərbi bazasının komandiri polkovnik Dmitri Ovçarovla birlikdə görüşüb. Bu görüşü rəsmi Bakı və Ankaraya verilən mesaj kimi dəyərləndirmək olarmı?

- Ermənistan Baş naziri Nikol Paşinyanın son günlər səsləndirdiyi fikirlər olduqca müsbətdir. Parlament seçkiləri öncəsi proseslərə baxdıqda biz onun mövcud gərginliyi düzəltmək üçün vaxt istədiyini xatırlayırıq. İstənilən halda Paşinyanın sülhə nə qədər maraqlı olduğunu qarşıdakı günlərdə göstərəcək.
Türkiyə və Azərbaycanın mövqeyinə gəldikdə isə bu hər kəsə bəllidir. Hətta Ermənistan bir müddət öncə dövlət sərhədində kifayət qədər ciddi gərginlik yaratdığı halda Azərbaycan və Türkiyə buna cavab olaraq yenə də bu ölkəyə sülh və əməkdaşlıq əlini uzatdı.
 
Düşünürəm, bu gün regionda sülhün qorunması, ölkələrarası əməkdaşlığın formalaşmasında Rusiya da maraqlıdır. Hətta Ermənistanın son günlər sərgilədiyi sülhə meyilli davranışı da bundan irəli gəlir. Bu mənada tərəflər arasında müəyyən görüşlərin keçirilməsi normaldır. Digər tərəfdən, regionun həssaslığı Türkiyə ilə Rusiya arasındakı münasibətlərə təsir edir. Xüsusilə, bu, iki ölkə arasında digər sahələrdəki əməkdaşlığa təsir edir.
Türkiyə hazırda regionda 6-lıq platforma yaranmasında maraqlıdır. Rusiya, Ermənistan, Gürcüstan, İranın bu əməkdaşlığa nə qədər maraqlı olduğunu isə yenə zaman göstərəcək.
 
- Abdullah bəy, bu gün Azərbaycan ictimaiyyətində belə bir düşüncə hakimdir ki, Rusiya-Türkiyə birgə monitorinq mərkəzi fəaliyyətsizdir. Hər halda görünən odur ki, regiondakı Türkiyə hərbçiləri Rusiya sülhməramlıları ilə müqayisədə daha passivdir...

- Tərəflər arasında imzalanan 10 noyabr bəyanatı var. Bu bəyanata görə, Qarabağın Azərbaycan torpağı olduğunu Rusiya da qəbul edib. Digər tərəfdən, cənab İlham Əliyevin bu gün Rusiya sülhməramlılarının nəzarətində olan ərazilərlə bağlı ciddi gözləntiləri var. Müharibədən sonra bölgədəki mövcud durumu nəzərə alan Azərbaycan Qarabağın ermənilər yaşayan ərazilərində Rusiya sülhməramlılarının müvəqqəti yerləşməsini qəbul etdi. Ancaq Xocalı, Xankəndi, Xocəvanəd bunlar Azərbaycan torpaqlarıdır.
 
Qeyd etdiyim ərazilərdə nəzarəti həyata keçirmək üçün Rusiya-Türkiyə birgə monitorinq mərkəzi yaradılıb və bu gün də fəaliyyətini davam etdirir. Mən Monitorinq Mərkəzinin fəaliyyətsizliyi fikri ilə razı deyiləm. Monitorinq Mərkəzində müntəzəm olaraq Qarabağda baş verən hadisələr izlənilir, qeyd edilir və müvafiq ölkə rəhbərliklərinə məlumat verilir. Birgə Monitorinq Mərkəzindən konkret problem həll etməsini gözləmək dorğu deyil. Mərkəz sadəcə olaraq, baş verən prosesləri izləyir, qeyd edir və ölkələrin atacaqları addımları formalaşdırmaları üçün lazımi məlumatları aidiyyatı üzrə ötürür”.
 
Turan Rzayev
 
Sehliyali
Turan Bank

OXŞAR XƏBƏRLƏR

“Heç kəsi səbəbsiz öldürməmişik” – “Taliban” üzvü ilə SENSASİON MÜSAHİBƏ

"Mən əslən Loqarlıyam. Loqarda dünyaya gəlmişəm, burada böyümüşəm. Təhsilimin bitməsinə bir il qalmışdı. ABŞ və Qərbin ölkəmdə etdiyi vəhşilik və barbarlığı g...

“İran tanklarının üzərinə Xamneyinin bu fikirlərini yazmaqla…” - MÜSAHİBƏ

Siyasi şərhçi Asif Nərimanlının Sfera.az-a müsahibəsi. - Asif bəy, İran Azərbaycanla sərhəddə, Culfa-Aslandüz-Muğan istiqamətində hərbi təlimlərə start ...

“Azərbaycan istədiyi zaman havada, quruda və dənizdə...” – Türkiyəli general Yücel Karauzla MÜSAHİBƏ

Türkiyənin ölkəmizdəki keçmiş hərbi attaşesi, briqada generalı Yücel Karauzun Sfera.az-a müsahibəsi. - Sentyabrın 12-sindən Bakıda Azərbaycan, Türkiyə...

“Monitorinq Mərkəzindən problem həll etməsini gözləmək doğru deyil” – Türkiyəli hərbi ekspertlə MÜSAHİBƏ

Qarabağdakı son durum, bölgədə gərginləşən münasibətlər sistemi və bundan çıxış yolları ilə bağlı Türkiyənin terror və təhlükəsizlik üzrə eksperti Abdullah Ağ...

Referendum və növbədənkənar parlament seçkiləri realdırmı? - MÜSAHİBƏ

Sosial şəbəkələrdə Konstitusiyaya dəyişiklik edilməsi üçün referendum keçiriləcəyi, eləcə də Milli Məclisin yenidən buraxılacağı və növbədənkənar parlament se...

“Bu gün hansı azərbaycanlı 800-1000 manata kirayədə qala bilər?” – Tələbələrin gəlişi ilə qiymətlər daha da qalxacaq...

Bu gün paytaxtda kifayət qədər kirayə mənzillər var, ancaq pandemiyanın təsirsiz ötüşmədiyi sahələrdən biri də məhz kirayə ev bazarı oldu. Evlərin alqı-satqısı ...