“Mobil məhkəmə” nə zaman tətbiq ediləcək? – AÇIQLAMA

“Mobil məhkəmə” nə zaman tətbiq ediləcək? – AÇIQLAMA
"Müasir qlobal çağırışlar, Pandemiya ilə əlaqəli vəziyyət tələb edir ki , məhkəmələr onlayn mühitdə də işləməyə hazır olmalıdır”.
 
Sfera.az xəbər verir ki, bunu Azərbaycan İnternet Forumunun prezidenti Osman Gündüz deyib. Ekspert ötən illərdə məhkəmədə bu təcrübənin sınaqdan keçirildiyini qeyd edib:
 
"Məhkəmələrin onlayn mühitdə işləməsi üçün ölkəmizdə müəyyən addımlar atılmışdı. Ötən illərdə bir neçə məhkəmədə bu proses sınaqdan keçirildi, lakin görünən odur ki , sonradan ölkə üzrə yayılması nədənsə ləngidi. Ümumiyyətlə, son illərdə Ədliyyə Nazirliyi sistemində rəqəmsal transformasiya ilə əlaqəli bir xeyli addımlar atılıb. Ötən gün "Elektron notariat” və "Elektron icra” informasiya sistemi haqqında Əsasnamələr təsdiq edilib. Bundan öncə "Elektron məhkəmə” informasiya sistemi haqqında Əsasnamə də təsdiqlənmişdi. Bu informasiya sistemləri artıq çoxdan aktiv işləyir.
 
Hazırda "Elektron notariat” informasiya sisteminə "söykənən” "Mobil notariat” tətbiqi ölkənin ən faydalı rəqəmsal həllərindən biridir . 100 mindən yuxarı aktiv istifadəçisi var. Dünyanın istənilən yerindən notarial hərəkətlərə imkan verir. Düşünürəm ki, indiki mərhələdə diqqət yetiriləcək məsələ bu rəqəmsal resursa inteqrasiya oluna biləcək xidmətlərin sayını artırmaq və ədliyyə sistemində digər mobil tətbiqlərin hazırlanmasına diqqət yetirmək olardı. Bu baxımdan Ədliyyə Nazirliyinin "Elektron məhkəmə ” sisteminin də tam funksional mobil versiyasını hazırlamaq, ümumiyyətlə işlək mobil məhkəmə sistemini formalaşdırmaq çox faydalı olardı. Fikrimcə, "Mobil notariat"dan sonra bu, elə də ciddi problem olmamalıdır”.
 
İT eksperti mobil məhkəmənin tətbiqinin insanların məhkəmə proseslərində daha effektiv iştirak etməyə səbəb olacağını deyib:
 
"Əslində, xatırlayıram ki, bir neçə il öncə elektron məhkəmənin mobil resursunun hazırlanması gündəmdəydi. Hətta ilkin, informativ versiyasının hazırlandığı da bildirildi. Lakin sonralar bunun inkişaf etdirilməsi, tam funksional mobil məhkəmə sisteminin hazırlanması nədənsə unuduldu. Hazırlanan tətbiq inkişaf etdirilmədi. Aktiv mövcud informasiya sistemi olduğu halda mobil həllin hazırlanmaması düşündürücüdür.
 
Fikrimcə , belə bir mobil həll məhkəmə proseslərində daha effektiv iştirak etməyə, mövcud problemlərdən dolayı məhkəmələrə uzaqdan qoşulmağa, ictimai əhəmiyyət kəsb edən məhkəmə statistikasını daha effektiv əldə etməyə kömək olardı. Maraqlıdır ki, "Mobil notariat" sistemində identifikasiya və digər məsələlər həll olunduğu halda onlar mobil məhkəməyə inteqrasiya olunmayıb. Hazırda "Elektron məhkəmə ” portalının da dizaynı xeyli köhnəlib, interfeysi və funksionallığı istifadəçi üçün rahat deyil. Bu baxımdan "Mobil məhkəmə” nin hazırlanması da "Elektron məhkəmə ”dən və Vahid Məhkəmə Portalından daha effektiv istifadəyə kömək olardı, mobil telefonla məhkəmə baxışlarında iştiraka şərait yaradardı, məhkəmələrə əlçatanlıq və ictimai nəzarət imkanlarını da genişləndirdə bilərdi”.
 
Əzizə Zeynal
 
 
 
Sehliyali
Turan Bank

OXŞAR XƏBƏRLƏR

“WhatsApp” istifadəçilərinin NƏZƏRİNƏ: Hamının gözlədiyi funksiya gəlir - FOTO

"WhatsApp” "Təsvir içində təsvir” adlı yeni funksiyasını işə salmağa hazırlaşır. Sfera.az  xəbər verir ki, bu barədə "Haber Global” məlumat verib. ...

Azərbaycanda mobil operatorların gəlirləri açıqlanıb

Azərbaycanda mobil rabitə operatorları bu ilin yanvar-sentyabr aylarında 723,6 milyon manat gəlir əldə edib. Dövlət Statistika Komitəsindən Sfera.az-a ver...

İlon Mask "Apple" rəhbərinin Türkiyə ilə bağlı paylaşımını ələ saldı - Yüksək qiymətlərə belə diqqət çəkdi

"SpaceX” və "Tesla” şirkətlərinin rəhbəri İlon Maskın son şərhi gündəm olub.   Sfera.az bildirir ki, iş adamı  "Apple” şirkətinin rəhbəri Tim Kukun ...

"Facebook"un yeni adı məlum oldu

"Facebook" sosial şəbəkəsinin yeni adı "Meta.com" ola bilər. Sfera.az xəbər verir ki, bu barədə öz "Facebook" səhifəsində PavelGross.ru saytının domen bro...

İnstaqram yeni funksiyasını istifadəyə verdi

İnstaqram sosial şəbəkəsi kompüterdə brauzer vasitəsilə foto və videonun yükləməsi imkanını tətbiq edib. Sfera.az  xəbər verir ki, bu barədə sosial ş...

Tramp öz sosial media platformasını bu tarixdə istifadəyə verəcək - "Truth social" gəlir

ABŞ-ın keçmiş prezidenti Donald Tramp öz sosial media platformasını yaradır.   Sfera.az bildirir ki, paylaşımlarına görə "Facebook” və "Twitter” hesablar...