Milli valyutalar dollar qarşısında dəyər itirir: Türk lirəsindən sonra rubl da...

Milli valyutalar dollar qarşısında dəyər itirir: Türk lirəsindən sonra rubl da...
"Azərbaycanın əsas ticarət tərəfdaşlarında milli valyutalar son 1 ayda hiss edilən dərəcədə dollara nisbətən zəifləyib. Həm ümumi xarici ticarətdə, həm də qeyri-neft ixracatında 2-ci ən böyük tərəfdaşımız olan qardaş Türkiyədə noyabr ayında dollara nisbətən 9.5-dən 12.5-dək geriləyən lirə son ayda 22 faiz dəyərsizləşib”.
 
Sfera.az xəbər verir ki, bunu açıqlamasında Milli Məclisin deputatı Vüqar Bayramov deyib.
 
Deputat hesab edir ki, başa çatmaqda olan ay qeyri-neft ixracatımızda əsas ticarət tərəfdaşımız olan və ən çox məhsul idxal etdiyimiz Rusiya rublu üçün də arzuolunan olmayıb: "Noyabrda dollara nisbətən 70.8 məzənnəsi ilə başlayan rubl ayın sonuncu günü birjalara 75.0 kursu ilə çıxarılıb. Bu 1 ayda Rusiya rublunun ABŞ puluna nisbətən 6 faizə yaxın ucuzlaşması deməkdir.
 
Azərbaycanın əsas ticarət tərəfdaşı olan Avrozonanın vahid valyutası da ABŞ dolları noyabr rəqabətində uduzub. Noyabr ayına dollara nisbətən 1.16 kursu ilə başlayan avro daha sonra 1.13 bəndinə qədər dəyər itirib. Bu da avro üçün 3 faizlik ucuzlaşması deməkdir.

Regional valyuta bazarında dəyişikliklər fonunda manatın məzənnəsinin necə dəyişəcəyinə gəldikdə bütövlükdə, milli valyutamızın kursuna təsir göstərən əsas iqtisadi faktorlar ölkəyə daxil olan valyutanın həcmi, eyni zamanda dövlət Neft Fondu tərəfindən hərraca çıxarılan valyutanın məbləğidir”.
 
V. Bayramovun sözlərinə görə, valyutaya olan tələbin əhəmiyyətli hissəsi Dövlət Neft Fondu tərəfindən ödənilir:
 
"Bu baxımdan Neft Fondunun hərraca çıxartdığı vəsaitlərin həcmi dollara olan tələbin ödənilməsində çox önəmlidir. Bu da təbii ki, manatın məzənnəsi baxımından vacib hesab olunur. Nəzərə alsaq ki, xarici ölkələrdəki tərəfdaşlarımızda milli valyutaların məzənnələrinin dəyişməsi ən azı psixoloji faktorlardan hesab olunur.

Azərbaycanda hələ ki, üzən məzənnə rejiminə keçirilməyib. Praktiki olaraq, manatın məzənnəsi birbaşa Azərbaycan Mərkəzi Bankının yanaşmasından asılıdır. Nəticə etibarilə, Mərkəzi Bank prosesə birbaşa intervensiya etmək imkanlarını qoruyub saxlayır. Ona görə də növbəti dövrlərdə manatın məzənnəsinin necə dəyişməsi birbaşa  məhz Azərbaycan Mərkəzi Bankının mövqeyindən asılı olacaq”.
 
Turan Rzayev
 
Sehliyali
Turan Bank

OXŞAR XƏBƏRLƏR

Ekspert ət və südün bahalaşmasının səbəblərini AÇIQLADI

"Süd-ət-yem pariteti müntəzəm olaraq hesablanmalı, bu paritet süd və ətin qiymətinin formalaşması üçün baza kimi diqqətdə saxlanmalıdır”.   Sfera.az xəbə...

Dollar son bir həftədə ucuzlaşıb - SƏBƏB

Son günlər dolların ucuzlaşacağına dair yayılan məlumatlar beynəlxalq birjalarda Dollar İndeksinin düşməsinə səbəb olub. İndeks bir neçə gün ərzində 96,3 səviyy...

Azərbaycanda avtomobillərin ehtiyat hissələrinə çəkilən xərc niyə ARTIR?

2021-ci ilin ilk 11 ayı ərzində Azərbaycan 206 milyon dollar dəyərində avtomobil ehtiyat hissələri idxal edilib. 2020-ci ilin eyni dövründə idxalın dəyəri 145 m...

2025-ci ilə qədər 4 milyarda çatacaq - Qeyri-neft ixracı niyə 47 faiz artdı?

Bu il Azərbaycanın qeyri neft-qaz ixracında kəskin artım qeydə alındı. Artımın məbləği 870 milyon dollar olmaqla 2020-ci ildən 47,2 faiz çox oldu.   ...

Qazaxıstandakı hadisələr nefti və uranı BAHALAŞDIRIR

Qazaxıstanda baş verən son hadisələr uran və neftin bahalaşmasına səbəb olub.   Sfera.az bildirir ki, Qazaxıstan "OPEC+” razılaşmasına qoşulan ölkələrdən...

Çörək sonuncu dəfə 6 il əvvəl bahalaşmışdı - Nə baş vermişdi?

Azərbaycanda digər qida məhsullarından fərqli olaraq çörəyin qiymətində dəyişikliyə tez-tez rast gəlinmir. Xüsusən də "zavod” çörəyi kimi tanınan dairəvi çörəkl...