Media olaraq namizədləri yaxından araşdırır, onların sosial mediadakı paylaşımlarını izləyirik. Əvvəlki illərdən fərqli olaraq namizədlərin təbliğat-təşviqat işləri həm real, həm də virtual olaraq sosial media üzərindən aparılır. Namizədlərin sosial mediadakı rəsmi səhifələrini izləyərkən bəziləri aktivliyi ilə marağımızı cəlb etdi. Həmin namizədlərdən biri də Nərimanov rayonu 19 saylı seçki dairəsindən namizəd Oruc İbrahimovdur. Namizədin rəsmi səhifəsindəki son paylaşımı olduqca maraqlıdır. Paylaşımdan aydın olur ki, namizəd təbliğat təşviqat prosesi çərçivəsində özü şəxsən seçicilərinin qapısını bir-bir döyərək onlarla tanış olur və onların problemlərini dinləyib, çıxış yolu ilə bağlı müzakirələr aparıb. Gənc namizədin prosesdə fəal iştirakı, seçiciləri ilə yaxından tanış olub onları dinləməsi sakinlərin xoşuna gəlib.