Mənzil qiymətləri sürətlə yüksəlir – Son 16 ilin rekord artımı qeydə alındı

Mənzil qiymətləri sürətlə yüksəlir – Son 16 ilin rekord artımı qeydə alındı
2021-ci ildə qlobal səviyyədə mənzil qiymətlərində sürətli artım qeydə alınıb. 

Sfera.az "Bloomberg”ə istinadən xəbər verir ki, bu il baş verən bahalaşma sürəti 2005-ci ildən bəri qeydə alınan ən güclü qiymət artımıdır. 

Beynəlxalq Daşınmaz Əmlak Məsləhət Şirkəti olan "Knight Frank” 55 ölkədə illik qiymət artımlarını müqayisə edib. Şirkət illik müqayisəni iyun ayındakı göstəricilər əsasında aparıb. Məlum olub ki, iyunda mənzil qiymətləri illik müqayisədə 9,2 faiz artıb. Bu, 2005-ci ilin martından bəri qeydə alınan ən yüksək artım göstəricisidir. 
Şirkət xatırladır ki, 2020-ci ilin iyununda mənzil qiymətləri illik müqayisədə 4,3 faiz artmışdı. 

"Knight Frank”ın məlumatına əsasən, qiymət müşahidəsi aparılan hər 3 ölkədən birində bahalaşma sürəti 10 faizi ötüb. ABŞ, Kanada, Avstraliya, Yeni Zellandiya və Türkiyədə isə bahalaşma 16 faizi keçib. 

Şirkət müəyyən edib ki, mənzil qiymətlərində artım sürəti inkişaf etmiş ölkələrdə inkişaf etməkdə olan ölkələrə nisbətən 2 dəfə yüksək olub. Müqayisə edilən birillik dövrdə ucuzlaşma yalnız Hindistan və İspaniyada baş verib. 

Şirkət qiymət artımına səbəb kimi aşağı faiz dərəcələrini və ev təsərrüfatlarının mənzil alışına çox vəsait yatırmasını göstərib.

Qeyd edək ki, Türkiyədən Azərbaycan vətəndaşları da mənzil alır. Son 5 ilin məlumatına əsasən hər il Azərbaycan vətəndaşlarının aldığı mənzillərin sayı 1000-1500 ədəd arasında dəyişib. 

2021-ci ilin iyununda Türkiyədə mənzillərin 16 faiz bahalaşsa da, bu dövrdə "qardaş ölkə”nin milli valyutası 27 faizdən çox ucuzlaşıb. Milli valyutada ucuzlaşma bahalaşma sürətini keçdiyindən Türkiyədə dollar ifadəsində mənzillərin dəyəri bir qədər də enmiş olub. 

Vasif
Sfera.az

Sehliyali
Turan Bank

OXŞAR XƏBƏRLƏR

Manatla verilən kreditlər BAHALAŞIR

Yeni verilən kreditlər üzrə faiz dərəcələrinin təhlili göstərir ki, bu il manatla kreditlərdə faizlər yüksəlir.  Sfera.az rəsmi məlumatlara istinadən...

Vaxtı keçən kreditlərlə bağlı vəziyyət dəyişdi – Sonuncu dəfə 2014-cü ildə belə olmuşdu

Azərbaycanda vaxtı keçən kreditlərin cəmi kreditlərdə payı 5,8 faizə enib.   Sfera.az Mərkəzi Banka istinadən bildirir ki, iyulun sonunda 6,1 faiz olan v...

Azərbaycanda inflyasiyanı cilovlamaq üçün bu addım atılacaq

Azərbaycanda bu il qeydə alınan yüksək inflyasiyanı cilovlamaq üçün nağd pul kütləsinin aşağı səviyyədə tutulması önəmlidir. Mövcud vəziyyət göstərir ki, qarşıd...

“ƏDV geri al” kampaniyasında hansı yeniliklər gözlənilir? - Açıqlama

"ƏDV geri al” kampaniyasından nəğd ödənişləri çıxarıb, nəğdsiz ödənişlərə 25 faizlik qayıdışı tətbiq etməklə vətəndaşların kartdan daha çox istifadəsinə nail ...

Dünya bazarında "Aİ-92" markalı benzinin qiyməti BAHALAŞDI

Benzinin qiymətində yenidən artım baş verib. "Aİ-95" markalı benzinin bir tonunun qiyməti 1,46% bahalaşaraq 813 ABŞ dollarına yüksəlib.  Sfera.az xəb...

Bu il ən çox tərəvəzlər bahalaşıb – Müqayisəli qiymətlər

2021-ci ildə ərzaq məhsulları arasında ən yüksək bahalaşma tərəvəz məhsullarında müşahidə edilir. Tərəvəz məhsullarının qiyməti bu ilin avqustunda ötən ilin avq...