Məhkəmədə şahidlər Əli Həsənovu İFŞA EDİR - Mənzillərin verilməsindəki, qəzetlərin tirajındakı saxtakarlıqlar MƏLUM OLDU

Məhkəmədə şahidlər Əli Həsənovu İFŞA EDİR - Mənzillərin verilməsindəki, qəzetlərin tirajındakı saxtakarlıqlar MƏLUM OLDU
"Tenderlərdə hansı şirkətin qalib olmasını Əli Həsənov razışlaşdırırdı"

Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun sabiq icraçı direktoru Vüqar Səfərli və digərləri - Bünyamin İsmayılov, Ədalət Vəliyev, Nadir Məmmədov, Bəxtiyar Fətullayev, Təmkin Xəlilov, Telman Tahirov, Valeh Orucov, Təhminə Xəlilova, Namiq Hacıyev və Şahin İmanovun cinayət işi üzrə məhkəmə prosesi davam edib. 

Sfera.az xəbər verir ki, Bakı Ağır Cinayətlər Məhkəməsində hakim Azər Paşayevin sədrliyi ilə bu gün keçirilən prosesdə şahid qismində KİVDF-də aparıcı məsləhətçi kimi çalışmış Samir Mustafayev vəkillərin suallarını cavablandırıb.

O bildirib ki, V. Səfərli işi ilə bağlı ona qanunsuz bir tapşırıq verməyib: "Nə də onun qanunsuz tapşırıq verdiyinin şahidi olmamışam. Tender komissiyasında verilən təkliflərlə bağlı danışsam, deyə bilərəm ki, tender qanunvericiliyinə riayət edilib. Lakin deyə bilərəm ki, təkliflərlə bağlı zərflərə iclasda baxılmayıb. Şərtlər, imzalanan müqavilələr, onlara düzgün riayət olunması ilə bağlı məsələlərdən xəbərim olmayıb. Fondun 10 işçisindən 5-i tender komissiyasında olub. Tenderdə konkret iştirakçılar eyni şirkətlər olub. Biz orda işçi olmuşuq. Nəyəsə müdaxilə edə bilməzdik. Vüqar müəllimlə yaxşı münasibətim var, heç bir qərəzim yoxdur. İşdə mühasib gəlirdi deyirdi ki, tədbirlərlə bağlı sənədlərə qol çəkməlisən. Mən də qol çəkmişəm. Məni də əmin ediblər ki, burada qanunsuz bir məsələ yoxdur”.

Şahid qeyd edib ki, fonda dəftəxana mallarının alınmasından xəbərdar olub: "İşçilərin hamısına verilib. Lakin hər hansı bir tədbrilərdə bloknotların və sairə paylanmasının şahidi olmamışam".

Hakim bildirib ki, şahidin istintaqda verdiyi ifadə ilə məhkəmədə verdiyi ifadə arasında ziddiyyətlər var.

Ziddiyyətlərlə bağlı hakimin sualına cavab verən S. Mustafayev deyib ki, jurnalistlər üçün tikilən binalarla bağlı tenderdən kənar şirkətlərlə müqavilələr imzalanıb: "Həmin şirkətlər Prezident Administrasiyasının İctimai-siyasi şöbəsinin rəhbərinə (Əli Həsənova-res.) yaxın olub. Binalarla bağlı məktublar yazılıb, tenderdən kənar şirkətlərlə müqavilələr bağlanıb. Tender komissiyası yaranana qədər iki binanın təməli qoyulmuşdu. Ümumiyyətlə, tenderlərdə hansı şirkətin qalib olmasını Əli Həsənov razışlaşdırırdı. Mənzillərin kimlərə verilməsinin Vüqar müəllimlə bağlılığı yoxdur. Seçimə ictimai-siyasi şöbə baxıb, bizə göndərilib. Qəzetlərə maliyyə yardımı tam normal qaydada həyaya keçirilib. Həmin siyahı da Əli Həsənovun şöbəsində razılaşdırılırdı. Maliyyə yardımı gündəlik ictimai-siyasi və idman qəzetlərinə verilirdi. Sonradan idman qəzetləri çıxarıldı".

Şahid istintaqda ifadəsində bildirib ki, bəzi qəzetlərin tiraj sayı saxta arayışlarla qaldırılıb.

Bunu S. Mustafayev məhkəmədə də təsdiqləyib: "Bəzi qəzetlərin tirajı az idi. Maliyyə yardımı düşmürdü. Buna görə onların tiraj sayı arayışda çoxaldılıb”.

V. Səfərli şahidin ifadəsi barədə deyib ki, tikinti ilə bağlı fondda ayrı komissiya olub: "Bu adam həmin komissiyanın üzvü olmayıb. Yazılan məktublardan xəbəri yoxdur".

Məhkəmə prosesi noyabrın 30-da davam etdiriləcək.

Qeyd edək ki, aparılmış istintaq tədbirləri ilə Fondun sabiq icraçı direktoru Vüqar Səfərlinin müvafiq vəzifələrdə çalışmış Bünyamin İsmayılov, Ədalət Vəliyev, Nadir Məmmədov və digər 7 nəfər şəxslə qabaqcadan əlbir olub vəzifə səlahiyyətlərindən sui-istifadə edərək dövlət satınalmalarına dair qanunvericiliyin tələblərinin pozulması, dövlət vəsaitlərinin təyinatı üzrə istifadə edilməməsi, tikinti normalarına əməl olunmamaqla iş həcmləri və qiymətlərinin şişirdilməsi yolu ilə dövlətə məxsus ümumilikdə 18 milyon 500 min manat məbləğində pul vəsaitinin mənimsəmə və israf etmə yolu ilə talanmasına, rəsmi sənədlərə bilə-bilə yalan məlumatlar daxil etməklə vəzifə saxtakarlığı törədilməsinə, habelə cinayət yolu ilə əldə edilmiş 5 milyon 700 min manat pul vəsaitinin leqallaşdırmasına əsaslı şübhələr müəyyən edilib.

Toplanmış sübutlar əsasında Vüqar Səfərli və digərlərinə müvafiq olaraq Cinayət Məcəlləsinin 179.4 (mənimsəmə- xüsusilə külli miqdarda ziyan vurmaqla törədildikdə), 193-1.3.2 (cinayət yolu ilə əldə edilmiş pul vəsaitlərini leqallaşdırma- külli miqdarda törədildikdə), 308.2 (vəzifə səlahiyyətlərindən sui-istifadə etmə-ağır nəticələrə səbəb olduqda), 313 (vəzifə saxtakarlığı) və digər maddələri ilə ittiham elan edilib, Vüqar Səfərli barəsində məhkəmənin qərarı ilə həbs, digər şəxslər barəsində isə polisin nəzarəti altına vermə qətimkan tədbiri seçilib.
 
(apa)
Sehliyali
Turan Bank

OXŞAR XƏBƏRLƏR

Operativ Qərargahın iclası keçirildi - Yeni il və “Omicron” gündəmdə

Bu gün Baş nazir, Covid-19 pandemiyasına qarşı mübarizə üzrə Operativ Qərargahın rəhbəri Əli Əsədovun sədrliyi ilə Operativ Qərargahın genişləndirilmiş iclası k...

MTN generalını kim himayə edir? – Mövlam Şıxəliyevlə bağlı Prezidentə müraciət

Bakı Hərbi Məhkəməsində ləğv edilmiş Milli Təhlükəsizlik Nazirliyinin (MTN) İstintaq Baş İdarəsinin sabiq rəisi Mövlam Şıxəliyev və digərilərinin cinayət işi üz...

Prezidentlərin görüşü İran mətbuatının yanaşmasını dəyişəcəkmi?

28 noyabr 2021-ci il tarixində Azərbaycan Respublikasının Prezidenti İlham Əliyevlə İran İslam Respublikasının prezidenti İbrahim Rəisi arasında görüş başa tutu...

Oliqarx Mehrac Babayevin qalmaqallı xəstəxana tikintisi: məmur rüşvətə görə həbs olundu

Rusiyanın Nijnevartovsk şəhərində "Əsaslı Tikinti İdarəsi" dövlət şirkətinin regional filialının direktoru Aleksandr Makarikov 35 milyon rubl rüşvət almağa görə...

SOCAR 1 674 işçisini “sərbəstləşdirdi" - Müzakirələrə səbəb olan AÇIQLAMA

SOCAR 1674 işçisinin ixtisara düşməsi barədə yayılan məlumatlara münasibət bildirib.   Sfera.az-ın xəbərinə görə, SOCAR-ın ictimaiyyətlə əlaqələr və tədb...

DYP Bakıda bağlanan yollarla bağlı sürücülərə müraciət etdi

"Son vaxtlar Bakı şəhərinin mərkəzi və digər küçələrində yük avtomobillərinin gün ərzində yollarda hərəkətdə olması, bəzi ərazilərdə bu səbəbdən müəyyyən sıxlıq...