“iPhone” liderliyini itirdi, ilk yeri bu marka TUTDU
Bazar araşdırmaları ilə məşğul olan “International Data Corporation” (IDC) təşkilatının məlumatlarına görə, dünyada 2024-cü ilin ilk 3 ayında “iPhone” satışı 50,1 milyona düşüb.
Sfera.az “Bloomberg”ə istinadən xəbər verir ki, ötən ilin birinci rübü ilə müqayisədə bu il “iPhone” satışı 9,6 faiz azalıb.
İDC azalmanı Çin amili ilə əlaqələndirib. Təşkilat hesab edir ki, Çinin “Huawei” və “Xiaomi” kimi iri şirkətlərinin satışları artırması, eləcə də Çində “iPhone” telefonlarından istifadənin məhdudlaşdırılması “iPhone” satışlarına mənfi təsir edib.
“iPhone” satışlarının azalması “Samsung”un liderliyə yüksəlməsinə səbəb olub. “Samsung”un satışlarının sayı 60 milyonu ötüb.
Ümumilikdə, bu ilin birinci rübündə dünyada 289,4 milyon ədəd smartfon satılıb. Son bir ildə smartfon satışında 7,8 faiz artım baş verib.
“Samsung” satışların 20,8 faizini təmin edib. “Apple” 17,3 faiz bazar payı ilə ikinci, Çinin “Xiaomi” şirkəti isə 14,1 faizlə üçüncü yerdədir.
Vasif
