Bir çoxları digər insanların diqqətini cəlb etməyi, mərkəzdə olmağı sevirlər. Astrologiyada bəzi bürclər müəyyən xüsusiyyətləri ilə seçilir. Bu, onları cəlbedici edir, yəni xüsusi nəsə etmələrinə ehtiyac qalmır.

Sfera.az bu dəfə bürclərin diqqət çəkən tərəfləri ilə bağlı məlumatı təqdim edir:

Qoç bürcü - Onlar həyatı döyüş meydanı kimi görürlər və hər savaşa hazır olduqlarına inanırlar. Qoç bürcü ilə mübarizə aparmaq insana bütün dünyanı qarşına almaq kimi hiss etdirir. Güclü tərəfləri digərlərini cəlb edir.

Buğa bürcü - Yeməyə düşkündürlər. Onlarla bir masanı bölüşmək maraqlıdır. Aldıqları həzzi qarşı tərəfə də rahatlıqla ötürə bilirlər. 

Əkizlər bürcü - Zəkalı insanlardır. Onlarla mübahisə bilgi yarışına bənzəyir. Yeni məlumatlar almağı sevənlər həm də əkizləri sevə bilərlər.

Xərçəng bürcü - Ailəsinə çox düşkün olurlar. Ona görə də əyləncə həyatları sıfıra bərabərdir. Buna baxmayaraq, sadiq və ailəsinə bağlı olmaları ilə diqqət çəkirlər.

Şir bürcü - Liderlik xüsusiyyəti ilə tanınırlar. Bu bürcün nümayəndələri ilə birlikdə olmaq sizi güclü hiss etdirə bilər. Sadəcə bir az diqqət kifayətdir.

Qız bürcü - Detallara fikir verirlər. Həmçinin onların bir yox, bir neçə planları olur. Çətin vəziyyətdən çıxmaq qabiliyyətləri hər kəs tərəfindən sevilir.

Tərəzi bürcü - Ədalətli olurlar, balansı qorumağı sevirlər. Qərar vermək onlar üçün çətin olsa da, problemlərin həll yollarını tapmaqda yaxşıdırlar. Bu da onların əsas diqqət çəkən tərəflərindən biridir.

Əqrəb bürcü - Onların ən diqqət çəkən xüsusiyyətləri sirli olmalarıdır. Əqrəb bürcünün nümayəndələrini kəşf etmək insanların xoşuna gələ bilər.

Oxatan bürcü - Ünsiyyətcildirlər, yeni insanlarla tanış olmağı, kəşf etməyi sevirlər. Həyatınıza əyləncə qata bilərlər.

Oğlaq bürcü - Həyatlarını işlərinə həsr edirlər desək, yanılmarıq. Onlarla istirahət planları qurmaq çox çətindir. Amma məsuliyyətli tərəfləri hər zaman cəzbedici olur.

Dolça bürcü - Hər zaman yenilikçi fikirləri ilə diqqət çəkirlər. Onlarla bir layihədə və ya işdə çalışmaq maraqlı ola bilər.

Balıqlar bürcü - Xəyalpərəstlikləri ilə tanınırlar. Bu da sizi fərqli dünyaya apara bilər. Onlarla həmsöhbət olmaq çoxlarının xoşuna gəlir.

Türkan