Tarixin ən yaşlı qatil nənəsi - Kişilərin qənimi Ata Anujka

Tarixin ən yaşlı qatil nənəsi - Kişilərin qənimi Ata Anujka

Tarixin ən yaşlı serialı qatili kimi yüzlərlə insanı öldürən Ata Anujka haqqında eşitmisiniz?
 

Sfera.az bu yazıda “dərman” hazırlayaraq, insanların “xəstəliklərini müalicə edən” və cadugər kimi tanınan Ata Anujka haqqında məlumat verir.


Belə şirin nənənin 150 nəfəri öldürə biləcəyini kim təxmin edə bilərdi?


O, iki dəfə həbs edilib, lakin sübut çatışmazlığı səbəbindən əksər ittihamlardan yayınıb. Yarım əsr “fəaliyyət göstərib”, 150-dən çox insanı öldürdüyü güman edilir. Avropanın ən qorxulu serialı qatillərindən biri Serbiyalı Ata Anujka kimi tanınan nənə idi.

 

Uzaq ölkələrdən insanlar dərman üçün Ata Anujkaya müraciət edirdilər.
 

Müalicələrinin daim təsirli olması və hətta aristokratların gündəlik xəstəliklər üçün belə ona müraciət etməsi ilə öyünürdü.
Amma kifayət qədər pul müqabilində Baba Anujka pis insanları “silmək” üçün dərman da hazırlayardı.
 

Onun qurbanları həmişə zəhərləndikdən sonra bir neçə gün ərzində bu dünyadan xəbərsiz gedən kişilər olub.

Əsl adı Ana Draxin olan Ata Anujka 1837-ci ildə Rumıniyada mal-qara tüccarının (alverçi) qızı olaraq anadan olub.


Ancaq uşaqlıqdan ailəsi Serbiyanın Petrovasala şəhərində yaşayırdı. 20 yaşında Avstriya əsgərindən sifilisə yoluxmuş və bir müddət tənhalıqda yaşamış, bu müddət ərzində ənənəvi tibb təhsili almışdır. O, atasının təkidi ilə 20 yaşında bir mülkədarla evləndi və bu evlilikdən 11 övladı dünyaya gəldi. Övladlarından 10-u yetkinlik yaşına çatmamış vəfat edib.
 

Həyat yoldaşının ölümündən sonra laboratoriya quraraq dərmanlar hazırlamağa başlayıb.


O, müştərilərə “problemlərin” ən çoxu 8 gün ərzində aradan qaldırılacağına söz verər, bir şüşə möcüzəvi dərman üçün 5 min dinar tələb edərdi.


Bəzən “yumşaldılmış” müalicə üsulu təklif edirdi ki, bu da yalnız hərbi xidmətdən yayınmaq istəyənləri “xəstələndirmək” üçün nəzərdə tutulmuşdu. Ata Anujkanın neçə nəfəri öldürdüyü dəqiq məlum deyil. Onun köməyi üçün dəfələrlə müraciət edən ailələr yarılmadan imtina etdikləri üçün zəhərlənmə ilə bağlı heç bir dəlil aşkarlanmayıb.


“Həyatımda heç vaxt zəhər görməmişəm. Mən ancaq dərmanlar hazırlamışam, onlar da tamamilə zərərsiz idi”- Ata Anujka məhkəmədəki ifadəsində belə deyib.


Amma məhkəmədə ifadə verən bir qadın Ata Anujkadan “dərman” almaq üçün 5 min dinar ödədiyini etiraf edib.


92 yaşlı Ata Anujka şahidə sillə vurub və bu zaman hakim onu ​​zəncirlə məhkəmə zalından çıxarmaqla hədələyib.

 

O zaman bütün bu proses ətrafında böyük bir qalmaqal var idi, Avropa və Amerika qəzetləri bütün detalları gözləyirdilər.


Ata Anujka 15 il həbs cəzasına məhkum edilsə də, cəzasını tam çəkməmiş 98 yaşında azadlığa buraxılıb.



Lakin Ata Anujkanın azadlıq həyatı uzun sürməyib. O, 100 yaşında öz evində dünyasını dəyişib.

 

Tarixin ən yaşlı serialı qatili kimi yadda qalıb.

 

Aysel

Sfera.az


OXŞAR XƏBƏRLƏR

Qışqıran mumiya - Misir tarixindəki ən böyük anomaliyalardan biri

Qədim Misir dəfn yerləri haqqında düşünəndə ağlımıza əzəmət və dəbdəbə gəlir: fironlar və zadəganların mumiyalanmış qalıqları ilə bəzədilmiş sarkofaqlar. Bununl...

Qoruqdan qaçan 200 keçi şəhəri iflic edib - VİDEO

Amerikanın Arlinqton şəhərində (Texas) qeyri-adi hadisə baş verib. 200-ə yaxın keçi Kristal Kanyon Təbiət Qoruğundakı mühafizədən qaçaraq kəndin küçələri ilə gə...

İsrail müvəqqəti atəşkəslə razılaşdı

İsrail Qəzza zolağında atəşkəs və girovların azad edilməsi ilə bağlı razılaşmanı qəbul edib.   Sfera.az xəbər verir ki, bu barədə AP məlumat yayıb. ...

Hacıqabul gölü ilə bağlı MÜHÜM AÇIQLAMA

“Hacıqabul gölünün bərpası ilə bağlı təkliflər hökumətə təqdim edilib”.   Bunu Milli Məclisin Təbii ehtiyatlar, energetika və ekologiya k...

“Eurovision”da siyasət izi - İslandiya Fələstinli ilə təmsil oluna bilər

Fələstinli pop müğənni Bəşər Murad may ayında keçiriləcək “Eurovision” Mahnı Müsabiqəsində İslandiyanı təmsil edə bilər. Sfera.az bildirir ki, ...

BMW ilə avtoxuliqanlıq edən şəxs “Nikosayağı”nın qohumu imiş - VİDEO

Gəncə şəhərində BMW markalı avtomobillə avtoxuliqanlıq edən sürücü sosial şəbəkələrdə “Nikosayağı” adı ilə tanınan bloger Nicat Şakirlinin qohumu im...