Bəzən tapmacanı həll etməyə çalışarkən, hamısını mümkün qədər tez başa çatdırmaq istəyirsən, amma həyatın acı həqiqəti budur : bəzi buımacalar heç vaxt həll edilə bilməz və yarımçıq qalır.

Sfera.az sizinlə bu günə qədər sirri açılmamış soyuq cinayətləri paylaşır.

1. Yanan Avtomobil Cinayəti

Alfred Rouse inanılmaz borc içində olub, ona görə də ölümünü saxtalaşdırıb şəhərdən qaçmağa hazırlaşırdı. O, yolda maşın sürən tanımadığı şəxsi saxlayıb və onu döyüb, sonra isə avtomobilini yandırıb, lakin sonda yaxalanıb və günahını etiraf etmək məcburiyyətində qalıb. Əsl sirli hissə isə buradan başlayır. Alfred deyir ki, öldürdüyü şəxsin kim olduğunu bilmir. O zaman William Briggs adlı şəxsin itkin düşdüyü xəbəri yayılır və hamı ölənin Alfredin qurbanı olduğunu düşünür. DNT nəticələrinə baxanda görünür ki, ölən həmin şəxs deyil. Qarşımızda iki sual qalır: Alfredin öldürüldüyü adam kim idi və Uilyam Briqqsin başına nə gəlmişdi?

2. Edqar Allan Po

Cozef Uolker küçənin kənarında kiminsə uzandığını görür və bunun Edqar Allan Po olduğunu anlayır. Po sağ idi, amma pərişan idi və zahirən çılğın idi. Sonrakı 4 gün ərzində Ponu halüsinasiyalar tutmağa davam etdi və daim dəli kimi idi. Rəsmi olaraq onun ya meningitdən, ya da beyin şişindən öldüyü deyilirdi. Ancaq onun bu vəziyyətə necə gəldiyini heç kim anlaya bilmədi və ölümü ilə bağlı nəzəriyyələr hazırlanmağa başladı. Spirr komasından tutmuş qətlə, qripdən quduza qədər çoxlu fərziyyələr irəli sürülüb və heç biri sübuta yetirilməyib.

3. Albert Dekker

Amerikalı aktyor Albert Dekker film çəkilişinə hazırlaşırdı, lakin gəlini tərəfindən hamamda ölü tapılır. O, çılpaq idi, boynundan kəmərlə asılmış, gözləri bağlı idi. Əlləri də arxadan bağlanmışdı. Bütün bədəninə dodaq boyası yazılmışdı, qollarında isə iynələr vardı. Həkimlər onun vəziyyətini cinsi əlaqə zamanı nəfəs kəsilməsi və təsadüfən ölməsi kimi şərh ediblər. Amma qəribəlik buradan başlayır: Hamamın qapısı içəridən zəncirlə bağlanmışdı və hamamdan başqa çıxış yolu yox idi. Necə mümkün idi ki, o, bütün bunları özü edib, sonra qapını öz-özünə bağlasın?

4. Qara Dahlia qətli

Qara Dahlia kimi tanınan Elizabeth Short öldürülüb. Ofisiant işləyərək dolanışığını təmin edən Elizabet fasilə verdiyi işinə bir daha qayıtmayıb. O, parkın ortasında çılpaq, bədəni ikiyə bölünmüş halda tapılıb. Ağzının künclərində təxminən yeddi yarım düym uzunluğunda kəsiklər var idi. Cinayət yerində qan izi tapılmadığı halda, gənc qızın bədənində də qan tapılmayıb, yəni qatil meyitin bütün qanını boşaldıb təmizləyib. Qatillərin siyahısı çox böyük olduğundan və kifayət qədər dəlil olmadığından, qətl ömür boyu sirr olaraq qalıb və günahkar heç vaxt tapılmayıb.

5. Tom Tomson

Məşhur rəssam Tom Tomson Alqonquin Parkının şəkillərini çəkməyi çox sevirdi. O, parkın gözəlliyinə heyranlıq duyurdu və elə həmin park onun ölüm yeri oldu. Kanoesi alt-üst tapıldı və kanoenin içərisində əşyalar tapsa da, cəsədi heç vaxt tapılmayıb. Onun ölümü ilə bağlı çoxsaylı fərziyyələr irəli sürülüb, lakin heç kim onun necə və kim tərəfindən öldüyünü dəqiq deşifrə edə bilməyib.

6. Julia Wallace

Julia Wallacenin (Culiya Uolles) əri sığorta şirkətində işləyirdi və bir gün özünü R.M. Onu Qualtrough kimi təqdim edən bir kişi ona zəng edib. Telefonla danışan şəxs Menlove Gardensdə görüşmək istəyib və Wallace sığorta şirkətində işlədiyi üçün səbəb axtarmadan sözügedən yerə gedib. Lakin telefonda göstərilən ünvan səhv olub; belə bir yer ümumiyyətlə yox idi. O, zarafat qurbanı olduğunu zənn edib və evə qayıdıb. Qayıdanda həyat yoldaşı Culiya Uolles ağır bir cisim tərəfindən öldürüldüyünü görüb. Culiyanın ölümündə birbaşa əri günahlandırılıb, lakin kifayət qədər dəlil tapılmadıqdan sonra sərbəst buraxılıb. Şübhəlilər çox olub, amma nə qətl silahı, nə də hər hansı bir sübut var idi. Buna görə də Culianın qətlinin üstü heç vaxt açılmayıb.

7. El Dorado Jane Doe

Mercedes kimi tanınan El Dorado Jane Doe adlı qadının əsl kimliyi, şəxsiyyəti məlum olan qətlin əsas mövzusudur. İki övladına pul göndərmək üçün fahişəlik edən və striptiz göstərən qadınla bağlı başqa məlumat yoxdur. Onun əsl şəxsiyyətini bilən yeganə şəxs həm sevgilisi, həm də qatili olan Ceyms “Buz” Makalfindir. Qatil Arkanzasdakı hosteldə qadını güllə ilə öldürdüyünü etiraf edir, lakin onun şəxsiyyəti haqqında heç vaxt danışmayacağını deyir. Ona görə də onun iki övladının olub-olmadığı da dəqiq deyil...


8. Somerton Adamı Cinayəti

Avstraliyanın Somerton sahillərində ölmüş kişinin cəsədi tapılıb. Kişi qırxılmış üz, kostyumda və qalstukda olub. Onu tanımaq üçün heç nə tapılmayıb. Sadəcə pencəyinin cibindən bir kağız parçası çıxarılıb və üzərində türkcə “son” mənasını verən “ok şud” yazılıb. Bu, Ömər Xəyyamın “Rübai” kitabından bir ifadədir. Daha sonra bir iş adamı maşınına atıldığını iddia etdiyi kitabla polisə gəlir. Kitabın sonunda “ok şud”, yəni “son” hissəsi cırılıb. Kitabın arxasında telefon nömrəsi var idi. Polis telefon nömrəsinə zəng edərək tibb bacısı ilə danışıb. Amma polis, tibb bacısında heç bir şübhəli kişi ilə rastlaşmadığını və işin həmişəlik sirr olaraq qaldığını bildirib...

9. İsdal qadın

Norveçin İsdal vadisində yanmış qadın meyiti tapılıb. Meyitin yalnız ön hissəsi yanmışdı, yəni onun siması tanınmaz idi, paltarları damğalanmış, zinət əşyaları meyitdən uzaqda qalmışdı. Onun şəxsiyyətini təsdiqləmək üçün heç bir ipucu tapılmayın. Daha sonra adı açıqlanmayan çamadan tapılıb. Bu çamadandakı paltarların markaları da soyulub. Daha sonra qadının bir çox saxta adlarla otellərə girdiyi öyrənilib. Bəzi şahidlərin dediyinə görə, qadın iki alman əsgəri ilə söhbət edərkən görüntülənib və bu, onun casus ola biləcəyi sualını gündəmə gətirib. Qadının kimliyi, intihar edib və ya öldürülməsi ilə bağlı cavab verilməyib və işin üstünü açmaq mümkün olmayıb.

10. Grimes bacıları
 

15 yaşlı Barbara və 13 yaşlı Patrisiya Elvis Preslinin böyük pərəstişkarı idilər və analarına onun ilk filminin nümayişinə getmək üçün yalvarıblar. Analarından icazə aldıqdan sonra avtobusa minərək filmə baxmağa gediblər. Bir ay sonra onların meyitləri yük maşını sürücüsü tərəfindən tapılıb. Yarılmada bıçaq və güllə yarası aşkar edilməsə də, ölüm səbəbinin dondurucu soyuq olduğu bildirilib. Bundan sonra onların ölümü ilə bağlı fərziyyələr çoxalmağa başlayıb. Onlardan biri də gizli sevgililərin olması və onlarla içki içməyə getmə versiyası idi. Qızlara nə baş verdiyini anlaya bilməyiblər. Cəsədləri tapılmamışdan əvvəl hətta Elvis Presli itkin düşən qızlara belə bir mesaj göndərib: “Əgər Preslinin yaxşı fanatısınızsa, evə gedin və ananızın narahatlığına son qoyun”.

11. Villisca balta ilə qətl

Ayova ştatında kiçik bir şəhər olan Villiskada misli görünməmiş qətliam baş verib. Balta ilə bir adam Mur ailəsinin evinə kilidi açılmış arxa qapıdan daxil olub. O, əvvəlcə yuxarı qalxaraq ailənin atası Cey Muru balta ilə öldürüb, daha sonra isə yanında yatan arvadını öldürüb. Daha sonra uşaq otağına gedərək oradakı uşaqları, sonra isə alt mərtəbədə yatan iki qızı öldürüb. Ceyin başına daha 30 balta zərbəsi endirən qatil evdən çıxmazdan əvvəl bütün ailə üzvlərinə bir-bir eyni şeyi edib, daha sonra qapını bağlayaraq evi tərk edib. Onun saatlarla evdə qalaraq səhər saat 5 radələrində evi tərk etdiyi güman edilir. Bir çox şübhəli şəxs saxlanılsa da, əsl günahkar heç vaxt tapılmayıb və iş hələ də sirr olaraq qalır.

Xanım

Sfera.az