Elza Aygün Bəylərin mahnısını oxuyan bacısına ETİRAZ ETDİ - VİDEO

Elza Aygün Bəylərin mahnısını oxuyan bacısına ETİRAZ ETDİ - VİDEO

Müğənni Zümrüd Hümbətovanın efirdə mərhum bacısı Əməkdar artist Aygün Bəylərin "Özün günahkarsan" adlı mahnısını oxuması Əməkdar artist Elza Seyidcahanı əsəbiləşdirib. 

 

Sfera.az bizim.media-ya istinadən bildirir ki, ikili arasında gərginlik onların qonaq olduğu "Günaydın, Azərbaycan!" verilişinədə yaşanıb.  



Zümrüdün bu ifasını eşidən Elza qarşı tərəfin mərhum bacısının nəğməsini oxumasına etiraz edib: 



"Bu mahnını mən Aygünün boğazında eşitməyi öyrəşmişəm. Səndən xahiş edirəm, bundan sonra bacının mahnılarını oxuma. Oxuma, buna ehtiyac yoxdur. Öz repertuarın olsun! Bacın Aygünün mahnılarını oxumaqla yaddaşlarda və bu sənətdə müğənni Zümrüd Hümbətova kimi qalmayacaqsan. Sən Zümrüd kimi və öz repertuarınla yaddaşlarda qalmalısan. 



Aygün öz repertuarını bizim və tamaşaçılar üçün qoydu, getdi. Mən sənin bacının mahnısını oxumağına əsəbiləşdim. Düzdür, bacısısan oxumusan, əla da ifa etmisən, amma bir daha oxuma. Sənə qurbandır, təmənnasız bir mahnı verim, onu oxu. Sən mənim bu dediklərimi başa düşürsən. Sənin bu sənətdə öz yolun olmalıdır. Bu mahnını özün kimi yox, Aygün Bəylər kimi oxumusan. 



Mən bəstəkaram və mənim haqqım var belə danışmağa. Aygünün torpağı heç soyumayıb. Bu mahnıda mən yalnız Aygünü eşitmək istəyirəm, başqa müğənnini deyil. Onun bu mahnıdaki zilləri, cəsarəti, emosiyaları var. Oxuma bacım, əzizim... Sən insanlara qulaq asma, Elza Seyidcahana qulaq as. Sən gecikmisən, sən bu sənətdə öz yolunu çoxdan tapmalı idin. 
Bu sözləri Zümrüdü istəyərəkdən deyirəm. Onun çox gözəl vokalı və səsi var. O çox səliqəli ifa edir. Hətta Aygündə səndə olan səliqə yox idi. O səliqəsiz oxuyurdu. Yəni nə mənada - oxuyanda o gözlərini "qayanın başında" yumurdu, açırdı. Amma düşünmürdü ki, o "qayanın başından" aşağa necə düşəcək. Fikirləşirdi ki, "düşə bilməyəcək" amma düşürdü. Aygün yenilik yaradıb, o yol açıb, o sındırıb çərçivələri... Mən istəyirəm ki, Zümrüdün geyimində də, mahnılarında da imici olsun. Mən sizə yaxşılıq edirəm". 



Seyidcahanın bu sözlərinə Hümbətova "Mənə heç kim deməyib ki, bacın Aygünün mahnılarını oxuma. Əksinə insanlar mənə söyləyirlər ki, onun mahnılarını oxu. Amma o qədər səsi olmayanlar Aygünün mahnılarını oxuyurlar ki... Aygünün ölüsündən istifadə edib, onun nəğmələrini oxuyurlar. Mən özüm kimi oxumuşam bacımın mahnısını. Mən sizi anlayıram, Elza xanım. Amma sizin deməyiniz ki, "bacının nəğmələrini oxuma", bu düz söz deyil. Mənim Aygünün mahnılarını yenidən ifa etməyə haqqım var". 



Qeyd edək ki, Əməkdar artist Aygün Bəylər uzun sürən xəstəlikdən sonra yanvar ayının 6-da gecə saatlarında Ankarada müalicə aldığı xəstəxanada vəfat edib.  

 

 


OXŞAR XƏBƏRLƏR

Ceyhun Bayramov çexiyalı həmkarı ilə GÖRÜŞDÜ - FOTO - YENİLƏNDİ

Azərbaycan və Çexiya xarici işlər nazirləri arasında təkbətək görüş başlayıb.   Sfera.az xəbər verir ki, bu barədə Azərbaycan XİN-in mətbuat xid...

"Boşanan insanlar təzyiqlərə məruz qalırlar, çünki..." - Psixoloqdan valideynlərə ÇAĞIRIŞ

"Boşanmaq ikinci ən stressli həyat hadisəsi hesab olunur və insanların emosional rifahına mənfi təsir göstərir. Çox saylı araşdırmalara görə boşanmala...

Azərbaycanda müəllim qəfil VƏFAT ETDİ - FOTO

Sumqayıt şəhər 24 saylı tam orta məktəbin müəllimi vəfat edib.   Sfera.az xəbər verir ki, bu barədə məktəbdən məlumat verilib.   Məlu...

"Məlumat xarakterli videoçarxlar, xəbərlər hazırlanmalıdır" - Millət vəkili

“İnsanlar bank adı ilə gələn zənglərin hansı məqsədlə edildiyini bilmirlər”.   Sfera.az xəbər verir ki, bunu Milli Məclisin bugünkü iclas...

"İran bu tip davranışlardan çəkinməli, düz yola qayıtmalıdır" - Qüdrət Həsənquliyev

“Biz 1991-ci ilin sərhədlərində suverenliyimizi bərpa etdik. Buna görə hakim partiyaya təşəkkür edirəm”.   Sfera.az xəbər verir ki, bunu ...

İlham Əliyev ukraynalı həmkarını COP29-a DƏVƏT ETDİ

Azərbaycan Prezidenti İlham Əliyev ukraynalı həmkarı Volodimir Zelenskini noyabrda Bakıda keçiriləcək BMT-nin İqlim Dəyişmələri üzrə Çərçivə Konvensiyası Tərəfl...