36 yaşlı amerikalı müğənni Rihanna üçüncü hamiləliyi ilə bağlı yayılan xəbərlərdən sonra ictimaiyyət arasında görüntülənib. 

Sfera.az bildirir ki, reper A$AP Rocky ilə evli olan Rihannanın iki oğlu var. Ötən gün ailəyə daha bir üzvün qatılacağı ilə bağlı şayiələr yayılıb. 

Şaiyələrdən sonra Rihanna dünən Qərbi Hollivudda "The Little Door"da keçirilən xeyriyyə tədbirinə qatılıb.

Ulduz burada yeni saç rəngini nümayiş etdirib. Platin rəngli tonlarda Rihanna üzünə kölgə olaraq bir neçə tel salıb.

Rihanna qara geniş paltarı ilə dəbli böyük ölçülü (oversize) vintage dəri gödəkçə geyinib. O, hər zamankı kimi gözləri və dodaqlarını vurğulayan makiyaja üstünlük verib.

Bir gün əvvəl müğənninin üçüncü övladını gözlədiyi barədə məlumat yayılıb. Şaiyələrə görə, bu dəfə Rihanna reper A$AP Rocky üçün qız övladı dünyaya gətirməlidir.

Qeyd edək ki, 2022-ci ilin may ayında cütlüyün ilk övladı RZA Athelston Mayers dünyaya gəlib. Bir il sonra müğənni Riot Rose Myers adlı başqa bir oğul anası olub. 

Xatırladaq ki, Rihanna hər zaman böyük bir ailə və xüsusilə qız övladının dünyaya gəlməsi arzusunda olduğunu etiraf edib. Ulduz cütlük internetdə yayılan söz-söhbətlərə hələ rəsmi münasibət bildirməyib. Bununla belə, müğənninin paltar seçimi onun həqiqətən də hamilə olduğunu düşünməyə əsas verir.

Aysel

Sfera.az