Türkiyənin tanınmış sənətçisi, “MFÖ” qrupunun üzvü, Özkan Uğur ötən ilin iyulunda dünyasını dəyişib. Onun səhnə dostları Mazhar Alanson və Fuat Güner dəfn mərasimindən qısa müddət sonra "MF" adı ilə səhnəyə çıxıblar. Bu isə Özkan Uğurun həyat yoldaşı Asyun Aslanı qəzəbləndirib.

O, həyat yoldaşı Özkan Uğurun ölümündən sonra çox tez bir zamanda səhnəyə çıxan Mazhar Alanson və Fuat Güneri tənqid edib.

"İnsanlar çalışmaq məcburiyyətindədir. Amma onlar çox tez səhnəyə çıxdılar, 6 ay gözləyə bilərdilər. Ən azından qrupun adını “MFÖ” olaraq da saxlaya bilərdilər. Lakin bunu da etmədilər. Buna görə böyük təəssüf hissi keçirdim”.

Qeyd edək ki, aktyor xərçəng xəstəliyindən dünyasını dəyişib.

Xatırladaq ki, Özkan Uğur bir zamanların məşhur "Cennet mahallesi" serialında "Beter Ali" obrazını canlandırıb.

Ülkər Abdurahmanlı