Manat digər valyutalara nisbətən bahalaşır
12:57 / 23.11.2021
1167
2021-ci ilin noyabrın 1-nə olan məlumata əsasən,
bu il qeyri-neft sektoru üzrə manatın həm nominal, həm real məzənnəsində
bahalaşma müşahidə edilir.
Sfera.az Mərkəzi Banka istinadən xəbər verir
ki, ilin əvvəlindən manatın nominal məzənnəsi 3,7 faiz bəndi yüksəlib. Ötən
ilin sonunda 116,2 olan nominal effektiv məzənnə bu il oktyabrın sonunda 119,9
səviyyəsinə qalxıb.
Qeyri-neft sektoru üzrə real məzənnə də yüksəlib.
Ötən ilin sonunda 97,1 olan səviyyə bu ilin oktyabrın sonunda 101,4-ə çatıb.
Hər iki göstəriciyə istinadən deyə bilərik ki,
bu il manatın qeyri-neft ümumi ticarət çəkili nominal və ral dəyəri bahalaşıb.
Manatın bahalaşması qeyri-neft sektorunun rəqabət
qabiliyyəti üçün əlverişli deyil. Çünki bu halda Azərbaycandan ixrac və xaricə
göstərilən xidmətlər bahalaşır, mal və xidmət idxalı isə ucuzlaşır. Məzənnədəki
bu vəziyyət, yəni manatın bahalaşması mal və xidmət idxalını stimullaşdırır.
Vasif
