Kredit faizləri depozit faizlərindən dəfələrlə yüksəkdir

Kredit faizləri depozit faizlərindən dəfələrlə yüksəkdir
2021-ci ildə kreditlərə tələbin artması faizlərin yüksək səviyyədə qalmasına səbəb olur.
 
Sfera.az bildirir ki, bu ilin əvvəlindən ölkəmizdə kredit qoyuluşu 14,53 milyard manatdan 16,42 milyard manata qədər artıb. Cəmi 10 ay ərzində ümumi kreditləşmənin məbləği 1,89 milyard manat, yəni 13 faiz artıb.
 
Qısa müddətdə artım daha çox manatla verilən kreditlərdə qeydə alınıb.
 
Məlumatların təhlili göstərir ki, kreditlərdəki artımın 1,7 milyard manatı məhz milli valyutada verilən kredirlərin hesabına təmin edilib. Ötən ilin sonunda manatla verilən kreditlərin məbləği 10,2 milyard olduğu halda, noyabrın 1-də 11,91 milyard manata çatıb.
 
Manatla kreditlərin bu qədər artması ondan xəbər verir ki, iqtisadiyyatda milli valyutada olan kreditlərə tələb böyükdür. Tələb böyük olduğundan kredit təşkilatları faizləri artırmaqdan çəkinmir. 2020-ci ilin sonunda yeni verilən manatla kreditlərdə orta faiz dərəcəsi 15,65 səviyyəsində olduğu halda hazırda 17,13 faiz təşkil edir. On ay ərzində manatla kredit faizlərində ciddi artım var.
 
Dollarla verilən kreditlərdə də faizlər artır. Xarici valyutada verilən kreditlər cari ildə təxminən 200 milyon manat artıb. Dollarla olan kreditlərə də tələb artdığından ilin əvvəlində 3,43 faizlə verilən kreditlər üzrə faizlər 4,74-ə qalxıb.
 
Kreditlərə tələbin artmasına baxmayaraq banklar depozit və əmanət faizlərini artırmır, əksinə, manatla olan depozit və əmanət faizlərini qismən, xarici valyutada olanların faizini isə xeyli dərəcədə aşağı salıb. Hazırda banklar manatla depozitləri orta hesabla 8,5 faizə, dollarla olan depozitləri 0,9 faizə qəbul edir.
 
Bu siyasət nəticəsində depozit və kredit faizləri arasında kəskin fərq yaranıb. Kredit təşkilatlarının verdiyi borc, cəlb etdikləri vəsaitə çəkdikləri xərcdən manatda 2 dəfə, dollarda 5,27 dəfə böyükdür.
 
Bu vəziyyət banklara imkan verir ki, kreditləşmədən yaxşı faiz gəliri əldə etsinlər. Hazırda banklarda olan depozitlərin təxminən yarısı xarici valyutadadır. Kreditlərin isə 72,4 faizi manatladır. Buradan aydın olur ki, banklar xarici valyuta ilə 0,9 faizə cəlb etdikləri vəsaitin bir hissəsini manata dəyişərək 17,2 faizlə, yəni 19,1 dəfə yüksək gəlirlə kredit verirlər.
 
Bunun nəticəsidir ki, bankların faiz gəlirləri on ay ərzində 1,73 milyard manata yüksəlib. Böyük ehtimalla ilin sonunda gəlir 2,1 milyard manata çatacaq. Bu məbləğ iqtisadi aktivliyin son illərdə ən yüksək həddə çatdığı 2019-cu illə müqayisədə təxminən 10 faiz yüksək olacaq. 
 
Vasif
 
Sehliyali
Turan Bank

OXŞAR XƏBƏRLƏR

Unibank kartını almaq üçün azı 8 səbəbiniz var

Pulunuzu xərcləyəndə də, xərcləməyəndə də qazandıran pulsuz kart almaq istəyirsinizsə, "Unibank”a müraciət etməyin əsl vaxtıdır.  Kartı bank filialın...

Neft Fondu dolların payını azaldacaq

Azərbaycan Dövlət Neft Fondu 2022-ci ildə investisiya portfelində ABŞ dollarının payını azaldacaq.  Posta.az rəsmi məlumatlara istinadən xəbər verir ...

Azərbaycanda hansı avtomobillərin qiyməti artıb? - VİDEO

Azərbaycanda 1 il ərzində mühərrikinin həcmi 2,5 litrdən yuxarı olan maşınlara tələbat azalıb. Sfera.az xəbər verir ki, bununla bağlı İTV videomaterial ha...

Avro əskinasları üzərində məşhurların təsviri olacaq

Məşhur şəxsiyyətlərin və ya abidələrin təsviri olduğu avro əskinasları yaxın illərdə buraxıla bilər. Sfera.az xəbər verir ki, bu məsələ avronun 2022-ci il...

“Azərbaycan İnvestisiya Şirkəti” və “Balacans Agro Food” arasında müqavilə imzalandı - FOTOLAR

Balakəndə iqtisadiyyat nazirinin müavini Niyazi Səfərov, "Azərbaycan İnvestisiya Şirkəti” ASC-nin icraçı direktoru Ülvi Mansurov, Balakən Rayon İcra Hakimiyyəti...

Azərbaycan nə qədər qaz alıb?

Cari ilin yanvar-oktyabr aylarında Azərbaycanda 28 milyon 779 min ton xam neft (qaz kondensatı daxil olmaqla) və 35,7 milyard kubmetrdən çox təbii qaz hasil olu...