No Image
No Image

Koronavirusla əlaqədar Azərbaycanda yeni qadağalar QÜVVƏYƏ MİNDİ

Koronavirusla əlaqədar Azərbaycanda yeni qadağalar QÜVVƏYƏ MİNDİ
Koronavirus (COVID-19) infeksiyasının geniş yayılmasının qarşısının alınması məqsədilə bu gündən Azərbaycan ərazisində yeni qadağalar qüvvəyə minib.
Sfera.az xəbər verir ki, Nazirlər Kabineti yanında Operativ Qərargahın qərarına əsasən ölkə ərazisində xüsusi karantin rejiminin müddəti 2020-ci il 28 dekabr saat 06:00-dək uzadılıb.

Bununla belə, son günlər COVID-19 virusuna yüksək yoluxma dinamikası qeydə alındığından, bu gündən aşağıdakı qadağalar tətbiq edilib:

- Sərt karantin rejimi tətbiq edilən Şəki, Lənkəran şəhərləri, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarında bu tədbirlərin müddəti 2020-ci il 7 dekabr saat 06:00-dək uzadılıb;

- Bakı metropolitenində sərnişindaşımanın fəaliyyətinə tətbiq olunan məhdudiyyət 2020-ci il 28 dekabr saat 06:00-dək uzadılıb;

- 2020-ci il 21 noyabr saat 00:00-dan 28 dekabr saat 06:00-dək bütün ölkə ərazisində şənbə və bazar günləri ictimai nəqliyyatın fəaliyyəti dayandırılıb;

- 2020-ci il 21 noyabr saat 00:00-dan 28 dekabr saat 06:00-dək şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə yerində xidmətlər dayandırılıb;

- 2020-ci il 21 noyabr tarixindən etibarən xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburi hesab olunur. Maskalardan istifadə qaydalarına nəzarət rejimi daha da sərtləşdirilib.

Qərarda qeyd olunur ki, müvafiq yerlərdə tibbi maskadan istifadə olunmaması və ya tələb olunan normalara uyğun taxılmaması qanunla müəyyən edilmiş qaydada məsuliyyət yaradır.

Dünyada, o cümlədən Azərbaycandakı mövcud sanitar-epidemioloji vəziyyəti nəzərə alaraq yüksək risk qrupuna daxil olan 65 yaşdan yuxarı şəxslərin zərurət yaranmadan yaşayış yerlərini tərk etməmələri tövsiyə olunur.

Həmçinin özəl sektorda və digər sahələrdə fəaliyyət göstərən qurum və təşkilatlara da işçilərin say həddinin 30 faizədək azaldılması və digər əməkdaşların məsafədən iş rejiminə keçirilməsi tövsiyə edilir.

Operativ Qərargah bir daha bütün şəxsləri COVID-19 virusu ilə mübarizədə mövcud karantin tələblərinə ciddi riayət etməyə, zərurət olmadıqda kənar şəxslərlə təmaslardan yayınmağa, qapalı və açıq məkanlarda sosial məsafəyə əməl etməyə çağırır. 

OXŞAR XƏBƏRLƏR

Paşinyan arvadını generalların yanına niyə göndərdiyini AÇIQLADI

Ermənistan baş naziri Nikol Paşinyan özü həyat yoldaşı Anna Akopyana "Qarabağ müdafiə ordusu” qərargahının iclasının keçirildiyi bunkeri ziyarət etməyi tapşırıb...

Əsirlərin qaytarılması ilə bağlı hansı yeniliklər var? – Dövlət Komissiyası zənglərə cavab vermir, BQXK isə...

İkinci Qarabağ savaşında əsir düşən hərbçilərimizin, eləcə də girov götürülmüş vətəndaşlarımızın qaytarılması gündəmin əsas mövzularındandır.   Sfera...

Azərbaycanda hərbi vəziyyət ləğv olunur? - Açıqlama

"Hərbi vəziyyətin ləğv edilməsi hələ tezdir” Bu sözləri Sfera.az-a açıqlamasında sentyabrın 27-dən mövcud olan hərbi vəziyyət rejiminə xitam verilməsinin...

Vətən müharibəsinin könüllüləri qayıdır - VİDEO

44 gün davam edən və Azərbaycanın qələbəsi ilə başa çatan Vətən müharibəsinin könüllüləri evlərinə qayıdır. Sfera.az  xəbər verir ki, bunu əks e...

Öldüyü deyilən icra başçısından xəbər var - XƏSTƏXANADAN AÇIQLAMA

Ağsu Rayon İcra Hakimiyyətinin başçısı Vahid Tağıyevin dünyasını dəyişməsi ilə bağlı məlumat yalandır. Sfera.az xəbər verir ki, bu barədə  icra başçı...

Ermənilər indi də Laçını yandırır - FOTOLAR

Ermənistan ordusu Kəlbəcər və Ağdam rayonlarından sonra Laçın rayonunun əksər kəndlərini də tərk etməlidir.   Sfera.az xəbər verir ki, dekabrın 1-nə qədə...