Koronavirusa "ən çox qadınlar yoluxub", yoluxma hallarının "çoxu Bakıdadır"

Koronavirusa
Koronavirusla bağlı yoluxma hallarının yarıdan çoxu Bakının payına düşür, bu barədə Nazirlər Kabineti yanında Operativ Qərargahın cümə günü keçirilmiş brifinqində Tibbi Ərazi Bölmələrinin İdarəsi Birliyinin idarə heyətinin sədri bildirib.

Ramin Bayramlının sözlərinə görə, düzgün protokolların tətbiqi nəticəsində ölüm səviyyəsini "2 faizin altında saxlamaq" mümkün olub.

"Karantin rejiminə görə, bizdə indi bu vəziyyətdir, əgər karantin rejimi olmasaydı, bu rəqəmlər daha çox olardı. Hazırda rəqəmləri stabil saxlamağa çalışmışıq", o deyib.

Bununla yanaşı, Ramin Bayramlı yoluxma hallarının artımı ilə bağlı narahatlığını bildirib: "Yoluxma sayında tendesiyasının dəyişməsi lazımdır".

Cümə günü keçirilən brifinqdə daha bir statistika gender sahəsində kişilər və qadınların yoluxma nisbətinə aid idi. Məlumata əsasən, Azərbaycanda qadınlar arasında yoluxma səviyyəsi "daha yüksəkdir - 54 faizdir".

Nəqliyyat və rayonlara gediş-gəliş

Brifinqdə nəqliyyat və rayonlara gediş-gəliş məsələsinə də toxunulub.

ASAN Xidmətinin rəhbəri Ülvi Mehdiyev deyib ki, ictimai nəqliyyata qoyulmuş qadağaya görə, həftəsonu işçilərin işə gedib gəlməsini təmin etmək istəyən təşkilat ya xidməti nəqliyyatdan, ya fərdi avtomobildən, bu mümkün olmasa, taksilərdən istifadə etməlidir.

"Rayonlara səyahət onların narıncıdan sarı zona statusu almasından sonra mümkün olacaq", prezidentin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri deyib.

"Mən də başa düşürəm ki, bu hamını narahat edən məsələdir, amma bir az dözümlu olmaq lazımdır...", Şahmar Mövsümov deyib.

Onun sözlərinə görə, yoluxma halları hələ də yüksək səviyyədə qalır.

"Hamını narahat edir ki, bu niyə yüksək səviyyədə qalır. Biz istədiyimiz məhdudiyyətləri kağızda yaza bilərik, amma buna əməl etməyəndən sonra heç bir nəticəsi olmayacaq", prezidentin köməkçisi deyib.

Şahmar Mövsümov deyib ki, koronavirusa qalib gəlmək üçün Azərbaycan cəmiyyətinin həmrəyliyi olmalıdır.

"Mənə nə ediblər yox, bu mübarizədə mən nə etmişəm sualı vacibdir. Bu, ümumxalq problemidir".

Maskada olmayan şəxsləri maska taxmağa çağıran Şahmar Mövsümov əlavə edib ki, koronavirusla mübarizədə dünya təcrübəsi yoxdur ki, öyrənilsin.

Azərbaycanda hazırda 19267 nəfərin koronavirus infeksiyasına yoluxduğu bildirilir. Onlardan 10820 nəfəri sağalıb, 235 nəfər vəfat edib. Cümə gününə olan aktiv xəstə sayı 8212 nəfərdir.

OXŞAR XƏBƏRLƏR

Rayonlara gediş-gəliş QAYDALARI DƏYİŞDİ: Bu gündən ETİBARƏN...

Bu gündən Bakı, Sumqayıt, Gəncə, Yevlax, Masallı, Cəlilabad, Mingəçevir şəhərlərinin və Abşeron, Bərdə, Salyan, Xaçmaz, Goranboy, Göygöl rayonlarının ərazisinə ...

Azərbaycanda bu qadağa ləğv edildi

Sərt karantin rejiminin tətbiq olunduğu 13 şəhər və rayonda qeyri-ərzaq mallarının satışını həyata keçirən ticarət obyektlərinin fəaliyyətinə bu gündən icazə ve...

400 minlik toyu ilə gündəmə gələn Aysel boşanmağından danışdı

400 min manatlıq toy etməsi ilə gündəmə gələn Aysel Şükürova həyat yoldaşı Oqtay Əhmədovdan boşanması barədə danışıb. Sfera.az xəbər verir ki, Aysel Şükürova "...

Zakir Həsənov da generalla bağlı başsağlığı verdi

 Müdafiə Nazirliyi general Çingiz Məmmədovun vəfatı ilə bağlı nekroloq yayıb. Sfera.az Müdafiə Nazirliyinə istinadən xəbər verir ki, bağsağlığında de...

Azərbaycanda COVID-19-a daha 87 nəfər yoluxdu, 2 nəfər vəfat etdi

 Azərbaycan Respublikasında koronavirus (COVID-19) infeksiyasına 87 yeni yoluxma faktı qeydə alınıb, 308 nəfər müalicə olunaraq sağalıb və evə buraxılıb. ...

Sabahın havası açıqlandı

 Azərbaycanda avqustun 10-na olan hava proqnozu açıqlanıb.  Milli Hidrometeorologiya Xidmətindən Sfera.az-a verilən məlumata görə, şimal-qərb kü...