Könül Nurullayeva: “Şuşa xunta rəhbərlərinin poliqonu olmaqdan xilas edilib”
18:15 / 16.01.2021
4859
"Şuşada
bütün tarixi binaların bərpasına start verilib. Prezident İlham Əliyev
ailə üzvləri ilə birlikdə Şuşada bir sıra tarixi məscidlərdə, tarixi məkanlarda
oldular. Şuşa Realnı məktəbi, Yuxarı Gövhərağa, Aşağı Gövhərağa, Saatlı məscidləri,
Qazançı kilsəsi, Bülbülün ev muzeyi, Vaqifin türbəsi, Cıdır düzü tarixi dəyər
daşıyır. Bu abidələrin hər biri Şuşa şəhərinin tarixin bütün mərhələlərində Azərbaycan
xalqına məxsusluğunu təsdiqləyir”.
Sfera.az xəbər verir ki, bunu millət vəkili
Könül Nurullayeva bildirib. Deputatın sözlərinə görə, Azərbaycan Orsusu işğala
son qoymaqla Şuşanın erməniləşdirilməsinin qarşısını alıb:
"Müstəqillik dövründə Azərbaycan dövlət
başçısı ilk dəfə Şuşaya səfər edirdi. Bu səfər zamanı səslənən bəyanatlar, dövlət
başçısının və ailə üzvlərinin işğaldan azad olunmuş ərazilərimizdə, xüsusilə də
Şuşada tarixi abidələrə münasibəti dövlətin mədəni irsimizin qorunmasına həssas
yanaşmasının göstəricisidir.
Prezident İlham Əliyev, birinci xanım Mehriban
Əliyeva və qızları Leyla Əliyeva Şuşadakı Saatlı, Aşağı Gövhərağa, Yuxarı Gövhərağa
məscidlərini ziyarət edərək məscidlərə Məkkədən gətirilmiş "Qurani-Şərif”
kitabları hədiyyə verdilər, dualar etdilər.
Bu məscidlərin bərpasında təbii ki, Heydər
Əliyev Fondu xüsusi rol oynayacaq. Çünki istər ölkə daxilində, istərsə də beynəlxalq
miqyasda mədəni irsin mühafizəsi Heydər Əliyev Fondunun əsas fəaliyyət istiqamətlərindən
biridir.
İnci
Sfera.az