Kənd təsərrüfatının hansı sahələri daha rentabellidir? - Hansı sekrtor daha çox qazandırır...
13:48 / 07.07.2021
1559
2020-ci ilin nəticələrinə əsasən kənd təsərrüfatı müəssisələrinin
rentabellik (gəlirlilik) göstəriciləri açıqlanıb. Rentabellik məhsul satışından
əldə olunan mənfəətin onların istehsalı və satışına çəkilən xərclərə nisbətidir.
Sfera.az rəsmi məlumatlatlara istinadən xəbər verir
ki, kənd təsərrüfatında bitkiçilik məhsullarının gəlirliliyi heyvandandarlıq məhsullarından
yüksəkdir.
Bitkiçilik üzrə məhsul qruplarının 4-də rentabellik 50 faizi keçdiyi
halda, heyvandarlıqda yalnız bir məhsul növündə gəlirlilik 50 faizi ötüb.
Rentabellik bitkiçilik məhsullarında 29,2 faiz,
heyvandarlıq məhsullarında 9,5 faizdir. Ümumən kənd təsərrüfatı məhsullarının
istehsalında rentabellik 19,4 faiz olub.
Ötən il kənd təsərrüfatı müəssisələri 101,56 milyon manat xalis gəlir əldə edib. Bitkiçilik
məhsulları istehsalçıları 69,3 milyon manat, heyvandarlıq məhsulları
istehsalçıları 27,2 milyon manat qazanıb.
Yaşıl çay yarpağı istehsalı istisna olmaqla bütün
növ məhsulların istehsalı gəlir gətirib. Çay yarpağı istehsalıçıları ötən il
286 min manatdan çox zərərə uğrayıblar. Bir kiloqram yaşıl çay yarpağının maya
dəyəri 2,34 manat olduğu halda, satış qiyməti 1,19 manat olub. Satış qiymətinin
maya dəyərindən xeyli aşağı olması çay yarpağı istehsalçılarını zərər etdirib.
Bitkiçilik məhsullarında ən yüksək rentabellik
kartofda olub. Kartofun bir kiloqramının maya dəyəri 16 qəpiyə başa gəldiyi
halda satış qiyməti 31,5 qəpik təşkil edib. Kartof istehsalçılarının
rentabelliyi 95 faiz olub.
Bitkiçilik məhsullarında yaşıl çay yarpağından
sonra ən aşağı rentabellik açıq torpaqda yetişdirilən tərəvəzdə (1,5 faiz),
üzümdə (17,8 faiz), meyvədə (19,5 faiz), pambıqda (19,6 faiz) qeydə alınıb.
Ötən il heyvandarlıq məhsullarının heç bir növü üzrə
zərər olmayıb. Ən yüksək rentabellik qoyun və keçi istehsalında olub.
Xırdabuynuzlu heyvanlar 59 faiz xalis gəlir gətirib. Bir kiloqram qiyun və keçi
ətinin maya dəyəri 3,6 manat olduğu halda satış qiyməti 5,73 manat təşkil edib.
Qoyun və keçi əti istehsalçıları hər kiloqramda 2,13 manat qazanıblar.
Heyvandarlıq məhsullarında ən aşağı rentabellilik quş əti, yumurta və iribuynuzlu mal-qara istehsalındadır. Rentabellilik quş ətində 1,9 faiz, yumurtada 9,8 faiz, iribuynuzlu mal-qarada 15,5 faiz təşkil edib.
Vasif