İşğalın 26-cı ili - Zəngilan erməniləşdirilir

İşğalın 26-cı ili - Zəngilan erməniləşdirilir
Bu gün müasir Azərbaycan tarxinin daha bir hüznlü günüdür. Zəngilan rayonunun işğalından 26 il keçir.

Sfera.az modern.az-a istinadən xəbər verir ki, bu gün ermənilərin "Kovsakan" adı verdikləri Zəngilan şəhəri qondarma bir "ərazi vahidi"ndə qəsəbəyə çevrilib. Belə ki, Qarabağdakı separatçı qurumun rəhbərliyi inzibati bölgü adı altında "Kaşataq" adlı qondarma rayon yaradaraq, Zəngilanı onun tərkibinə qatıb.

Zəngilanla paralel olaraq, Qubadlının Xanlıq kəndi (ermənilər "İşxanadzor" adı qoyublar), Mincivan qəsəbəsi və Laçın rayonunun mərkəzi (ermənilər "Berdzor" adı qoyublar) qondarma "Kaşataq rayonu"nun tərkib hissəsi kimi aktiv şəkildə məskunlaşdırılır.

Hazırda Azərbaycanın işğal altındakı bu ərazilərində yaşayan ermənilərin sayı məskunlaşdırma yolu ilə 12 min nəfərə çatıb. Onların əsas hissəsi Laçın rayonunda olsa da, Zəngilan ərazisində yaşayan ermənilərin sayı 800-ü keçib.

Süni məskunlaşdırmanın sonuncu nümunəsi Zəngilana Suriyanın Qamışlı şəhərində yaşayan 5 erməni ailəsinin köçürülməsi ilə bağlıdır. Oktyabrın 5-də həmin ailələr "Tukenkyan” fondunun maliyyəsi heasabına yeni evlərə köçmüşdülər.

Bu ilin iyunun 21-də isə "Tufenkyan” fondu ABŞ-da yaşayan Cudi Saryan-Viktor Zaruqyan cütlüyünün, həmçinin, Birləşmiş Ərəb Əmirliklərində yaşayan Armik Xosrofyanın ayırdığı ianə hesabına yeni futbol stadionu açmışdılar.

Ermənistan hakimiyyətinin Zəngilana xüsusi yanaşmasının təzahürü özünü məskunlaşdırma ilə yanaşı, infrastukturun yaradılmasında da göstərir. Belə ki, 2020-ci ildə Ermənistanın Qafan rayonundan Zəngilandan keçməklə Hadruta qədər yolun çəkilişi başlanacaq. Qarabağı Ermənistana birləşdirəcək bu yol rəsmi Yerevanın məskunlaşdırma və Azərbaycan ərazilərini ilhaq etmə niyyətlərinin davamı kimi görülməlidir.

OXŞAR XƏBƏRLƏR

Avtomobil nömrəsi ilə SMS icazə alınması üçün yeni qanun layihəsi hazırlanır

 "Vətəndaşlara tövsiyə edirik ki, iyulun 5-dən SMS-lə icazə alarkən avtomobillərinin dövlət nömrə nişanını da yazsınlar”. Sfera.az xəbər verir ki, bu...

İlham Əliyev: Pandemiya şəraitində həmrəylik vacibdir

Pandemiya şəraitində ölkələr arasında və beynəlxalq təşkilatlar çərçivəsində həmrəylik və əməkdaşlıq vacibdir. Sfera.az xəbər verir ki, bunu Prezident İlh...

Dövlət başçısı: “Dəmir yollarının səmərəliliyinə görə Azərbaycan dünyada 11-ci yerdədir”

 "2017-ci ildə Bakı-Tbilisi-Qars dəmir yolu istismara verilmişdir. Hesab edirəm ki, bu, tarixi hadisədir. Təsadüfi deyil ki, bu yola "Dəmir İpək yolu” deyi...

Deputat: “Prezidentin təşəbbüsü COVID-19-la qlobal mübarizədə dönüş nöqtəsi olacaq”

 "Prezident İlham Əliyev hakimiyyətə gəldiyi dövrdən başlayaq hər zaman regional və qlobal problemlərin həllini diqqət mərkəzində saxlayıb, bunun üçün səyl...

Prezident mətbuatla bağlı sərəncam imzaladı

Prezident İlham Əliyev Azərbaycan milli mətbuatının 145 illik yubileyinin keçirilməsi haqqında Sərəncam imzalayıb. Sfera.az-ın məlumatına görə, Sərənc...

Ekspert: “Ordumuzun silahı təzə, texnikası müasir, döyüş ruhu yüksəkdir”

 "Azərbaycan son illərdə ordu quruculuğunda bir sıra ciddi uğurlara imza atıb". Bunu "Report"a açıqlamasında hərbi ekspert Abuzər Əbilov deyib. ...