Azərbaycan banklarına uzun müddətə qoyulan əmanətlərin həcmində sürətli artım baş verir.

Sfera.az xəbər verir ki, 2023-cü ilin sentyabrın 1-də banklarda olan uzunmüddətli əmanətlərin həcmi 2,65 milyard manat olduğu halda, 2024-cü ilin sentyabrın 1-də onların həcmi 3,73 milyard manata çatıb.

Son bir ildə uzunmüddətli əmanətlərin həcmi 1,08 milyard manata yaxın artıb. Ümumi əmanətlərin həcmindəki artımın böyük hissəsi məhz uzunmüddətli əmanətlərdəki artım hesabına təmin edilib.

Son bir ildə əmanətlərin həcmi 1,6 milyard manat artıb ki, bunun da 68 faizə yaxını uzunmüddətli əmanətlər hesabına təmin olunub.

Uzunmüddətli əmanətlərin artmasının səbəbi Mərkəzi Bankın təklifi ilə manatla uzun müddətə qoyulan əmanət faizlərindən vergi alınmasının dayandırılması və bankların uzun müddətə qoyulan əmanətlərə daha yüksək faiz təklif etməsidir. Hər iki səbəblə əlaqədar banklara manatla qoyulan uzunmüddətli əmanətlərin həcmi sürətlə artır.

Vasif