ABB-nin səhmlərinə abunə yazılışı başlandı!

ABB-nin səhmlərinə abunə yazılışı başlandı!

11 iyun 2024-cü ildə ABB-nin səhmlərinə abunə yazılışının başlanması ilə bağlı tədbir keçirilib. “ABB səhmdarı ol! - Mərkəzdən hər kəsə!” devizi ilə keçirilən tədbir üçün simvolik məkan seçilib. Tədbir ötən əsrin əvvəllərində məhz bank binası kimi tikilmiş, fasadında “Банкъ” sözü olan, 90-cı illərin əvvəllərində ABB-nin baş ofisinin, hazırda isə Mərkəzi filialının fəaliyyət göstərdiyi tarixi məkanda təşkil olunub.

 

Tədirdə ABB rəhbərliyi ilə birgə, Azərbaycan Mərkəzi Bankının, Bakı Fond Birjasının, Milli Depozit Mərkəzinin, Azərbaycan Banklar Assosiasiyasının rəhbərliyi də iştirak edib.

 

Abunə yazılışı 3 ay davam edəcək. Bankın 322 000 000 ədəd səhmi satışa çıxarılıb. Bir səhmin minimal qiyməti 27 qəpikdir. Abunə yazılışı dövründə vətəndaşlar sifarişlərini 27 qəpik, yaxud daha yuxarı qiymətlə təqdim edə bilərlər. Bir vətəndaş minimum 100 ədəd, maksimum 75 000 ədəd ABB səhmi sifariş verə bilər.

 

Bankın səhmlərinə abunə yazılışını ABB mobile tətbiqindəki “İnvestisiya” bölməsindən, ABB-nin bütün filiallarından, həmçinin, səhmlərin emissiyasının anderrayteri olan “ABB İnvest” və ölkəmizdəki digər investiya şirkətləri vasitəsilə həyata keçirmək olar.

 

ABB-nin İdarə Heyətinin sədri Abbas İbrahimov bildirib: “Emissiya prosesi başa çatdıqdan sonra da Azərbaycan dövləti yenə Bankımızın əsas böyük səhmdarı kimi qalacaq. Banka iri özəl investorların deyil, məhz kiçik pay sahibi olan investorların cəlb edilməsinə üstünlük verilir. Çünki məqsəd daha çox vətəndaşımızın ABB-də pay sahibi olub alternativ investisiya fürsətlərindən faydalana bilməsidir. Bunun ölkəmizin qiymətli kağızlar bazarına əhəmiyyətli müsbət təsirləri olacaq”.

 

ABB ölkənin və regionun ən gəlirli kommersiya qurumlarındandır. Bank illik mənfəətindən səhmdarlarına davamlı şəkildə dividendlər ödəyir. Son üç il üzrə dividend ödənişinin məbləği 2022-cü ildə 125 milyon manat, 2023-cü ildə 156 milyon 600 min manat, 2024-cü ildə 185 milyon manat olub. Bu il ABB-nin səhmlərinin illik dividend gəlirliliyi 15,1%-ə yüksəlib.

 

Daha ətraflı məlumatı buradan əldə edə bilərsiniz.

 

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, //abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin sosial şəbəkələrdəki korporativ səhifələrindən əldə etmək olar.


OXŞAR XƏBƏRLƏR

Kürdə dəhşətli hadisə: qayıq yandı, 10 nəfər xəsarət aldı - YENİLƏNDİ

Mingəçevirdə Kür çayında qayıqda yanğın olub.   Sfera.az-ın məlumatına görə, qayıqda hələ dəqiq məlum olmayan səbəblərdən yanğın olub.   H...

İki dəfə öldürüldü: Yoxa çıxan qadın beş il sonra sevgilisinin şkafında görünüb

1990-cı illərin ən müəmmalı itkin düşmüş şəxs işlərindən birinin mərkəzində olan Nataşa Rayanın öldüyü elan edilib.    Sfera.az bildirir ki, 40 ...

Avropa çempionatları tarixində ən erkən qol vuruldu

Almaniyada keçirilən futbol üzrə Avropa çempionatında turnirin ən erkən qolu vurulub.   Sfera.az xəbər verir ki, bu rekorda Albaniya millisinin yarım...

26 yaşlı kişini elektrik cərəyanı vurub öldürdü

Qazaxda 26 yaşlı kişini elektrik cərəyanı vuraraq öldürüb.   Sfera.az xəbər verir ki, hadisə Ağköynək kəndində qeydə alınıb.   Belə ki, 19...

İtaliyanın Baş naziri yaxın həftələrdə Çinə səfər edəcək

İtaliyanın Baş naziri Corca Meloni yaxın həftələrdə Çinə səfər edəcək.   Sfera.az xəbər verir ki, bu barədə o, Yeddilik Qrupu (G7) sammitinin sonunda...

Qəbələdə zəncirvari qəza: Turistlər həlak oldular

Qəbələdə zəncirvari yol-nəqliyyat hadisəsi baş verib, iki əcnəbi turist ölüb.   Sfera.az-ın məlumatına görə, hadisə bu gün axşam saatlarında Qəbələ-A...