Azərbaycan kərə yağına olan tələbəbatını ödəmək üçün hər il başqa ölkələrdən minlərlə ton məhsul idxal edir. 

Sfera.az rəsmi məlumatlara istinadən xəbər verir ki, yalnız bu ilin birinci rübündə 5 378 tona yaxın kərə yağı idxal olunub. 

Maraqlıdır ki, Azərbaycan kərə yağının çox hissəsini İrandan alır. İlk 3 ayda İrandan 2 785 ton kərə yağı gətirilib. İrandan daha çox yağ idxal edilməsinə səbəb qiymətlərin aşağı olmasıdır. 

Kərə yağının idxalında ikinci sırada Yeni Zelandiya dayanır. Bu uzaq ölkədən 3 ayda 1 707 tona yaxın yağ gətirilib. 

İran və Yeni Zelandiya kərə yağı idxalında 83,5 faiz paya sahibdir. 

Azərbaycan bu ölkələrlə yanaşı birinci rübdə Belarusdan 310 ton, Ukraynadan 160 ton, Almaniyadan 105 ton kərə yağı alıb. 

Vasif