“Bu il əmək müqavilələrinin sayı 26 minədək artıb” – Mikayıl Cabbarov
Bu ilin əvvəlindən əmək müqavilələrinin sayı 26 minədək artıb və bunun 23 mindən çoxu qeyri neft-qaz sektorunun özəl bölməsində qeydə alınıb.
Sfera.az xəbər verir ki, bununla bağlı məlumatı iqtisadiyyat naziri Mikayıl Cabbarov paylaşıb.
Nazir qeyd edib ki, qeyri neft-qaz sektorunun özəl bölməsində bağlanan müqavilələrin sayı dövlət sektorundakı (neft-qaz sektoru istisna olmaqla) müvafiq göstəricini 59 min vahid qabaqlayaraq ümumi əmək müqavilələrində 50%-i keçib:
“İş yerlərinin rəsmiləşdirilməsinin təmin edilməsi istiqamətində islahatın başladığı 2019-cu ildən indiyədək işçilərlə işəgötürənlər arasında bağlanmış əmək müqavilələrinin sayı 432 mindən çox, qeyri neft-qaz sektorunun özəl bölməsində isə 381 mindən çox artıb”.
M.Cabbarov onu da bildirib ki, martın 1-nə olan məlumata əsasən, əmək müqavilələrinin ümumi sayı 1,835 milyondur. Bunun 921,4 mini, yəni 50,2 faizindən çoxu qeyri neft-qaz sektorunun özəl bölməsinin payına düşür.
Vasif
