“Fitch” Azərbaycanın reytinqini “BB+” səviyyəsində təsdiqlədi

“Fitch” Azərbaycanın reytinqini “BB+” səviyyəsində təsdiqlədi

“Fitch Ratings” beynəlxalq reytinq agentliyi Azərbaycanın xarici valyutada uzunmüddətli emitent defoltu reytinqini “BB+” səviyyəsində, müsbət proqnozla təsdiqləyib.

Sfera.az bildirir ki, “Fitch” hesab edir ki, Azərbaycanın bank sektorunda vaxtı keçmiş borc əmsalı 2023-cü ildə rekord minimum səviyyəyə enərək ümumi kredit portfelinin 1,8 %-ni (2022-ci ilin sonunda 2,9 %) təşkil edib. Buna isə kreditləşmənin güclü artımı, kreditlərin qaytarılması və silinməsi səbəb olub.
 

“Fitch” ekspertləri yüksək enerji qiymətlərinin Azərbaycanın suveren balansını gücləndirəcəyi, cari əməliyyatlar hesabının profisitinin 2023-cü ildə ÜDM-in 14,8%-nə çataraq “BB” kateqoriyalı ölkələr arasında ən yüksək səviyyədə qalacağını proqnozlaşdırır. “Fitch”, həmçinin neftin qiymətinin bir qədər aşağı düşməsinə baxmayaraq, suveren valyuta aktivlərinin 2023-cü ildə əsasən Dövlət Neft Fondunun (ARDNF) hesabına 69,8 milyard dollara yüksəldiyini qeyd edib. 2023-cü ildə ÜDM-in 67%-i həcmində qiymətləndirilən Azərbaycanın xalis suveren aktivlərinin 2024-2025-ci illər ərzində sabit qalacağı və digər ölkələr arasında əlverişli mövqe tutacağı gözlənilir.
 

“Fitch”ə görə, Qarabağda yenidənqurma xərclərinin artmasına baxmayaraq, neft qiymətlərinin yüksəlməsini və qeyri-neft gəlirlərinin artmasının investisiya portfelində rekord yüksək gəlirləri əks etdirdiyinin göstəricisidir . Azərbaycan Qarabağla bağlı öhdəlikləri və müdafiə xərclərini ödəmək üçün qeyri-neft kəsirinin azaldılması hədəfini 2027-ci ilə qədər uzadıb.
 

2023-cü ildə Azərbaycanın ÜDM-in 21,8%-i qədər olan dövlət borcunun 2024-25-ci illərdə ÜDM-in orta hesabla 21,6%-i olacağı proqnozlaşdırılır.

“Fitch” agentliyi Azərbaycanın geosiyasi dinamikasını, xüsusən 2023-cü ilin sentyabrında həlledici hərbi əməliyyatdan sonra Qarabağ üzərində nəzarətin bərpasına da xüsusi diqqət çəkir.
 

Bundan əlavə, “Fitch” Azərbaycanda bank sektorundakı vəziyyətin yaxşılaşdığı qənaətindədir.
 

Bu barədə “Fitch Ratings” beynəlxalq kredit reytinq agentliyinin Azərbaycanla bağlı apardığı qiymətləndirmədə bildirilib.
 

“Fitch” Azərbaycanın bank sektorunda vaxtı keçmiş borc əmsalının 2023-cü ildə rekord minimum səviyyəyə enərək ümumi kredit portfelinin 1,8 %-ni (2022-ci ilin sonunda 2,9 %) təşkil etdiyini qeyd edib. Bu isə kreditləşmənin güclü artımı, kreditlərin qaytarılması və silinməsi hesabına mümkün olub.
 

“Azərbaycan banklarının kapitallaşması azalsa da, adekvatlıq əmsalına uyğun səviyyədə qalır: sektorun 1-ci dərəcəli kapitalın adekvatlıq əmsalı 2023-cü ilidə 13,5 % (2022-ci ilin sonunda 15,2 %) təşkil edib” – “Fitch” agentliyinin hesabında qeyd olunur.

 

Aysel

Sfera.az


OXŞAR XƏBƏRLƏR

HAMAS lideri Türkiyəyə səfər edəcək

HAMAS siyasi bürosunun rəhbəri İsmail Haniyə bu həftə sonu Türkiyəyə gələcək.   Sfera.az xəbər verir , bu barədə Türkiyə Prezidenti Rəcəb Tayyib...

"WhatsApp"da YENİ FUNKSİYA - Onlayn olan şəxslər...

Dünyanın ən məşhur ani mesajlaşma proqramı olan "WhatsApp", istifadəçilərə çox faydalı olacaq yeni funksiyalar təqdim etməyə davam edir.   ...

Azərbaycanla Tatarıstanın iqtisadi tərəfdaşlığının inkişaf istiqamətləri MÜZAKİRƏ EDİLDİ

İqtisadiyyat naziri Mikayıl Cabbarov Rusiyanın Tatarıstan bölgəsinin Baş nazirinin müavini, sənaye və ticarət naziri Oleq Korobçenko ilə Azərbaycanla Tatarıstan...

İran-İsrail qarşıdurması bu ölkənin mövqeyini GÜCLƏNDİRİR

İsraillə İran arasında yaranan qarşıdurmada İordaniyanın regiondakı strateji mövqeyi güclənir. İordaniya həm İsraildən, həm də İrandan gələn raketləri, pilotsuz...

Hadi Rəcəbli ilə vida mərasimi KEÇİRİLİR - YENİLƏNDİ - 2

Sabiq deputat, Milli Məclisin Əmək və sosial siyasət komitəsinin keçmiş sədri Hadı Rəcəbli dəfn olunub.   Sfera.az xəbər verir ki, onun cənazəsi...

"Çox çətin anlar yaşadıq" - Jül Kounde

"Barselona"nın müdafiəçisi Jül Kounde Çempionlar Liqasının 1/4 final mərhələsinin PSJ ilə cavab oyununu (1:4) şərh edib.   Sfera.az bildiri...