Türkiyədə baş verən böyük zəlzələdən bu gün bir il ötür. 

Sfera.az xəbər verir ki, zəlzələ çoxlu sayda insan itkisi ilə yanaşı ölkə iqtisadiyyatına böyük miqdarda zərər də vurub.

Türkiyə İqtisadi və Siyasi Araşdırmalar Vəqfi (TEPAV) tərəfindən hazırlanan hesabatda qeyd edilir ki, zəlzələnin iqtisadi dəyəri 104 milyard dollar olub. 

Zəlzələnin vurduğu zərərin ən böyük hissəsi, təxminən 57 milyard dolları mənzillərin, yaşayış sahələrinin dağılması ilə bağlıdır. Dövlət infrastrukturuna və xidmət binalarına dəyən ziyan 13 milyard dollar, özəl sektora (mənzillər istisna olmaqla) 12 milyard dollar olub. 

Araşdırmaya əsasən, zəlzələ xərcləri dövlət büdcəsində böyük yükə çevrilib. Xəzinə və maliyyə naziri Mehmet Şimşək verdiyi açıqlamasında xərclərin məbləğinin 2023-cü ilin sonunda 950 milyard TL-yə (milli gəlirin 3,7 faizi) çatdığını söyləyib. Orta Müddətli Proqramda (2024-26) zəlzələ ilə əlaqədar büdcə xərclərinin milli gəlirin 2024-cü ildə 2,5 faizi, 2025-ci ildə 0,9 faizi, 2026-cı ildə isə 0,8 faizi olacağı proqnozlaşdırılır. Zəlzələ ilə bağlı xərclər dördillik dövr ərzində milli gəlirin təxminən 8 faizinə bərabər olacaq. 

Zəlzələ Türkiyənin ixracını da azaldıb. Bir ildə təbii fəlakət nəticəsində ixrac imkanları 13 faiz məhdudlaşıb. İxracda ən kəskin azalma 53 faizlə Osmaniyə, 30 faizlə Adıyaman və Kahramanmaraş, 28 faizlə Hatayda qeydə alınıb. 

Vasif