Neft ucuzlaşır – Bu vəziyyət inflyasiyanı zəiflədə bilər

Neft ucuzlaşır – Bu vəziyyət inflyasiyanı zəiflədə bilər

Dekabrın ilk günlərindən neft qiymətlərində azalma müşahidə edilir. 


Sfera.az xəbər verir ki, ilk günlərdən neft qiymətlərində sürətlə enmə baş verib və “qara qızıl”ın dəyəri 80 dollardan da aşağı düşüb. 


Noyabrın sonunda “Brent” markalı neftin qiyməti 84,3 dollardan, Azərbaycanın ixrac etdiyi “Azeri Light” markalı neftin qiyməti 86 dollardan baha satılırdı. Ötən bir həftə ərzində “Brent” nefti təxminən 10 dollar, Azərbaycan nefti 9 dollar ucuzlaşıb.

 

Hazırda “Brent” neftinin dəyəri 74-75 dollar, Azərbaycan neftinin dəyəri isə 79 dollardır. 


Dekabrın ilk günlərində müəyyənləşən yeni neft qiymətləri 2024-cü ilin fevralında təhvil veriləcək xammala aiddir. Maraqlıdır ki, neft qiymətlərində enmə OPEC və onun müttəfiqlərinin hasilatın azaldılmasının davam etdirilməsinə dair əldə etdiyi razılaşmadan sonra baş verib. Birja analitiklərinin şərhinə görə, bu razılaşmaya baxmayaraq, neftin ucuzlaşmasının səbəbi yayılan proqnozlarla bağlıdır. 


Proqnozlara görə, ən çox neft idxal edən Çində tələbin azalması davam edəcək, eyni zamanda OPEC-ə üzv olmayan ölkələrdə neft hasilatı artacaq. Bu proqnozlar “qara qızıl” qiymətlərinə azaldıcı təsir edib. 


Neftin ucuzlaşması neft ixrac edən ölkələr üçün əlverişli olmasa da ümumən dünyada məhsulların dəyərinin aşağı düşməsi baxımından əhəmiyyətlidir. Artıq ilkin nəticələrə əsasən, dünyada əmtəə qiymətlərində enmə baş verir. Bunun səbəbi məhz neft qiymətlərinin 10 faizdən çox enməsi ilə bağlıdır. Qlobal əmtəə qiymətlərinin azalması dünyada inflyasiyanın da zəifləməsinə kömək edəcək. 


Lakin qeyd edək ki, əmtəə qiymətlərinin daha çox düşməsi üçün neft qiymətlərinin uzun müddət mövcud səviyyədə qalması vacibdir. 


Vasif

 


OXŞAR XƏBƏRLƏR

Hesablama Palatası Mədəniyyət Baş idarəsində YOXLAMALARA BAŞLADI

Hesablama Palatasının Bakı şəhər Mədəniyyət Baş İdarəsində yoxlamalara başladığı bildirilir.   Sfera.az-ın məlumatına görə, yoxlamalara yanvar ayının ə...

Məşhur xanımların həbs olunan qardaşlarının ŞOK ƏMƏLLƏRİ

Qardaşı həbsə düşən bir çox məşhur xanım ifaçılar var – Aygün Kazımova, Aybəniz Haşımova, Nazənin və daha başqaları… Əksəriyyəti isə narkotik istif...

Xavi “Napoli” matçından DANIŞDI: "Biz buna layiq idik"

"Barselona"nın baş məşqçisi Xavi Çempionlar Liqasının 1/8 final mərhələsinin ilk oyununda "Napoli" ilə qarşılaşmadan (1:1) danışıb. Sfe...

"Türk Dövlətlər Təşkilatının inkişafında Azərbaycanın böyük rolu var"

Türk dövlətlərlə əlaqələrin inkişafı Azərbaycanın xarici siyasətində prioritet təşkil edir.   Prezident İlham Əliyev fevralın 14-də keçirilən andiçm...

Bayden bu kredit borclarını LƏĞV ETDİ

ABŞ Prezidenti Co Baydenin administrasiyası daha 1,2 milyard dollarlıq tələbə krediti borcunu ləğv edib.   Sfera.az xəbər verir ki, qərarla ləğv edil...

Silahlı Qüvvələrimiz hərbi potensialını daha da artırır

Azərbaycan-Ermənistan sülh danışıqları fonunda Fransanın tutduğu mövqe hər kəsə bəllidir. Rəsmi Parisin region üzrə həyata keçirdiyi xarici siyasət kursu bölgən...