Azərbaycanda bu xidmətlər ucuzlaşacaq? - AÇIQLAMA

Azərbaycanda bu xidmətlər ucuzlaşacaq? - AÇIQLAMA

Vergi Məcəlləsinə nəzərdə tutulan dəyişikliklə, gələn ildən Azərbaycanın regionlarında hotel və sanatoriyaların əmlak vergisi 3 il müddətinə 75% azaldılacaq.

 

Otellər və Restoranlar Assosiasiyasının İdarə Heyətinin sədri Samir Dübəndi tətbiq olunacaq güzəştin təsirlərini "Ölkə.Az"a şərh edib. O bildirib ki, vergi güzəştləri daha çox dəyəri yüksək və yeni daşınmaz əmlakı olan müəsissələr üçün faydalı olacaq:

 

"Qərarda qeyd edilir ki, güzəşt mehmanxana və sanatoriya-kurort müəsissələrinə şamil olunur. Yada salmaq istərdim ki, qanunvericiliyə əsasən azı 11 otağı olan yerləşdirmə vasitəsi hotel adlanır, sanatoriya-kurort müəsissələrinin əksəriyyəti isə ölkədə iri müəsissələrdirlər". 

 

Ekspertin sözlərinə görə, güzəşt hotel qiymətlərinin aşağı enməsinə səbəb ola bilər:

 

"Qənaət edilən vəsaitlər qiymətlərin azalmasına qətirib çıxara bilər. Yaxud müəsissə tərəfindən inkişafa, personalın təkmilləşməsinə, xidmətlərin keyfiyyətinin yüksəlməsinə və yeni müştəri bazasının əldə edilməsinə yönələ bilər". 

 

S. Dübəndi hotelçilik sahəsində mövcud problemlərə də toxunub: "KOB biznesin inkişafı istiqamətində ölkədə bir sıra faydalı proqramlar həyata keçirilir. Buna baxmayaraq, məsələn, kiçik hotelçiliyin, turizm biznesinin inkişafı üçün ixtisaslaşmış kreditlər tətbiq edilmir. Bu, çox vacibdir. İnkişaf üçün biznesin kreditləşməsi zəruridir. 

 

Digər tərəfdən bir sıra sosial-iqtisadi alətlərdən istifadə edərək regional turizmi canlandırmaq perspektivlərini unutmamalıyıq. Məsələn, yerləşdirmə vasitələrində təklif edilən 3 gecəlik paketin 1 gecəsini dövlət subsidiyası ilə ödəyərək regional səfərləri stimulaşdırmaq mümkündür".

 

"Ölkədə həmkarlar ittifaqı sistemində bu və ya digər sahələrdə çalışan insanların asudə vaxtının, istirahətinin və müalicəsinin, rekreasiyasının təşkilinin təmin edilməsi məqsədilə yalnız adı gedən qurumun tabeliyində olan yerləşdirmə, sanatoriya-kurort müəsissələrilə çalışmaqlarını görürük. Bu sistemi digər regional yerləşdirmə vasitələri üçün də tətbiq edib, bu sistemi genişləndirmək mümkündür. 

 

Düşünürəm ki, bunların üzərində çalışmaqa dəyər", - deyə ekspert əlavə edib.

 

Turizm sahəsi üzrə ekspert Ruslan Quliyev isə deyir ki, vergi güzəştləri ilə bağlı aparılan siyasət turizmin inkişafına töhfə verir:

 

"3 il müddətinə güzəştlərin tətbiq olunması, hotel və sanatoriyaların maya dəyərinə təsir etməklə onların yerli və xarici bazarda rəqabət qabiliyyətini artıracaq. Daha çox turist kütləsi cəlb etməklə, müəssisələrin gəlirliyini təmin edəcək". 

 

"Turizm müəssisələrinin təsərrüfat fəaliyyətindən əldə olunan gəlirin ÜDM-də payının artmasına səbəb olacaq", - ekspert əlavə edib.


OXŞAR XƏBƏRLƏR

Milli Məclisin sabahkı iclasının VAXTI DƏYİŞDİRİLDİ

Milli Məclisin növbədənkənar sessiyasının iyunun 14-də keçiriləcək növbəti plenar iclasının vaxtı dəyişdirilib.   Sfera.az xəbər verir ki, iclas saat...

AK Parti nümayəndə heyəti Şuşada keçiriləcək tədbirdə iştirak EDƏCƏK

Bu gün Türkiyənin Ədalət və İnkişaf Partiyasının (AK Parti) nümayəndə heyəti Azərbaycana səfərə gələcək.   Bu barədə Sfera.az-a Türkiyə-Azərbaycan Pa...

Sabahın hava PROQNOZU

İyunun 14-nə gözlənilən hava proqnozu açıqlanıb.   Milli Hidrometeorologiya Xidmətindən Sfera.az-a verilən xəbərə görə, Bakıda və Abşeron yarımadasın...

"Bayden hakimiyyətdə qala bilmək üçün Avropada daha çox..." - Zaxarova

Rusiya xarici işlər nazirliyinin sözçüsü Mariya Zaxarova NATO-nun Baş katibi Yens Stoltenberqin Kiyevə silah tədarükünün alyansa üzv ölkələr üçün məcburi o...

Məşhur aktrisa faciəvi şəkildə ÖLDÜ - FOTO

Türkiyənin məşhur aktrisası və prodüser Demet Ersoy Bodrumda qaldığı hotelin 7-ci mərtəbəsindən yıxılıb.   Sfera.az xəbər verir ki, bu barədə D...

Nikol Paşinyan: "Lukaşenko prezident olduğu müddətdə heç vaxt Belarusa səfər etməyəcəyəm"

Bundan sonra Ermənistanın heç bir rəsmi nümayəndəsi Belarusa səfər etməyəcək.   Sfera.az Ermənistan KİV-ə istinadən xəbər verir ki, bunu baş nazir Ni...