Dərmanlar ucuzlaşacaq – “Apteklər süni qiymət artımı yarada bilməyəcək”

Dərmanlar ucuzlaşacaq – “Apteklər süni qiymət artımı yarada bilməyəcək”

Bir neçə gün öncə Tarif Şurası dərman vasitələrinin qiymətlərinin yuxarı həddinin təsdiq etməsi ilə bağlı qərar qəbul edib. Qərarın dərmanların qiymətlərinə təsir edəcəyi ilə bağlı fikirlər mövcuddur. İlkin proqnozlar dərman preparatlarının qiymətlərinin ucuzlaşacağı yönündədir.

 

Bu iddialar nə dərəcədə doğrudur?

 

Mövzu ilə bağlı Sfera.az-a açıqlama verən Milli Məclisin İqtisadi siyasət komitəsinin üzvü Rüfət Quliyev Tarif Şurasının son qərarının istehlak bazarında dəyişiklik yaradacağını deyib. Millət vəkili bundan sonra süni qiymət artımının olmayacağını bildirib:

 

“Milli Məclisdə sentyabrın 15-də Rəqabət Məcəlləsi ilə əlaqədar müzakirəmiz oldu. Uzağı bu ilin axırına qədər 16 ildir, müzakirə olunan həmin məcəlləni qəbul edəcəyimizə inanırıq. Sözügedən məcəllə bazar iqtisadiyyatının üç əsas qanunundan biridir. Təbii ki, bunun da bütün istehlak bazarına və xidmətlərinə böyük müsbət təsiri olacaq. Tarif Şurası tərəfindən dərman preparatlarının qiymətlərinin yüksək həddi müəyyən edildi. Bu qanun nəticəsində apteklərdə qiymətlər qalxmayacaq, yəni daha buna imkan verilməyəcək. Yeni qaydalara əsasən, dərman vasitələrini Tarif Şurasının təyin etdiyi qiymətlərdən baha satmaq mümkün olmayacaq”.

 

Deputat apteklərdə 15 faiz ucuzlaşmanın olacağını proqnozlaşdırıb:

 

“Yeni qaydanın tətbiqi həm də o deməkdir ki, apteklərin arasında rəqabət yaşanacaq və onlar çalışacaqlar ki, dərman vasitələrini cüzi fərqlə də olsa daha ucuz qiymətə təklif etsinlər. Düşünürəm ki, Tarif Şurasının bu qərarı ən azı ümumi qiymətlərə 15 faiz təsir edəcək. Yəni dərman preparatları ucuzlaşacaq”.

 

Əzizə Zeynal


OXŞAR XƏBƏRLƏR

Qripin ağciyərlərə vurduğu zərərin qarşısını alan dərman hazırlandı

Yeni hazırlanmış dərman qripin yaratdığı iltihabın səbəb olduğu ağciyər zədələnməsinin qarşısını ala bilib.   Sfera.az bildirir ki, qripə səbəb olan qr...

Gürcüstan parlamentində kütləvi dava düşdü

Gürcüstan parlamentində “Xarici agentlər haqqında qanun”un müzakirəsi zamanı səs-küylü insident yaşanıb.    Sfera.az bildirir ki, Gü...

Bakı və Belqrad arasında mühüm telefon danışığı

15 aprel 2024-cü il tarixində xarici işlər naziri Ceyhun Bayramov Serbiya Baş nazirinin birinci müavini, xarici işlər naziri İvitsa Daçiç ilə telefon danışığı a...

70 yaşlı məşhur amerikalı aktyor mərhum oğlunun fotosunu paylaşdı

70 yaşlı məşhur amerikalı aktyor Con Travolta mərhum oğlu Cettin xatirəsini ehtiramla yad edib. O, arxiv görüntülərini İnstaqramda paylaşıb.   Sfera....

Hakimin sinif yoldaşı olduğunu görüb göz yaşlarına boğulan məhbus - VİDEO

2015-ci ildə Artur But adlı şəxs oğurluqda ittiham olunaraq hakim qarşısına çıxıb. Hakimin orta məktəbdə sinif yoldaşı Mindi Qleyzer olduğunu anlayanda göz yaşl...

Qadınları xilas etmək üçün 300-dən çox kişini öldürən qatil: Madam Popova

Tarix boyu araşdırsaq, çox maraqlı personajlarla rastlaşırıq. Bu adlardan biri də Madam Popovadır. Ərləri tərəfindən işgəncələrə məruz qalan qadınları xilas və ...