İnternetdə tanış olduğu qız transgender çıxdı, öldürdü - FOTO

Oğlan sosial şəbəkədə tanış olduğu qızın transgender olduğunu bildikdə onu qətlə yetirib.

Sfera.az xarici mətbuata istinadla xəbər verir ki, 17 yaşlı Nikki Kuhnhauseni öldürən 25 yaşlı David Bogdanov saxlanılıb.

İyun ayının 6-dan etibarən itkin düşən Kuhnhausenin cansız bədəni Bogdanovla görüşdüyü ərazidən tapılıb. Cəsəd dekabr ayının 7-də, yoldan keçən şəxslərdən birinin ağaclıq ərazidə insan kəllə sümüyü görməsi nəticəsində aşkarlanıb.

Polis tərəfindən saxlanılan Bogdanov iyun ayının 6-da Kuhnhausen ilə görüşdüyünü etiraf etsə də, trangender olduğunu bildikdən sonra dalaşıb, ərazidən uzaqlaşdığını söyləyib.

Autopsiya nəticəsində məlum olub ki, Kuhnhausen boğularaq öldürülüb.

Hadisə ABŞ-ın Nevada ştatında baş verib.(milli.az)