Sfera.az xəbər verir ki, cütlük tərəfindən ərsəyə gətirilən "Invictus Heart" sənədli filmi 2022-ci ildə Laheydə keçiriləcək Invictus Oyunlarında mübarizə aparacaq idmançılara həsr edilir. Koronavirus səbəbilə gələn ilə təxirə salınan oyunlarda iştirak edəcək idmançıların və təşkilatçıların pərdəarxası hekayələri filmdə canlandırılacaq.

Kral ailəsinin üzvləri maliyyə səbəbi ilə "Netflix”lə müqavilə bağlamaq məcburiyyətində qaldıqlarını bildiriblər. 

"Netflix”in verdiyi açıqlamaya görə, şahzadə Harri özü də kamera qarşısına keçəcək. Sənədli serialın rejissoru Orlando von Einsiedel, rejissoru isə Coanna Nataseqara olacaq.

Xatırladaq ki, Britaniya şahzadəsi Harri və həyat yoldaşı Meqan Markl kral ailəsinin səlahiyyətlərindən hələ ötən il imtina edib. Onlar bildiriblər ki, işləmək və xeyriyyəçiliklə məşğul olmaq istəyirlər.