Ukraynanın Əməkdar artisti, Rusiyanın pop ulduzu Svetlana Loboda instaqramda ilk dəfə sevgilisinin fotosunu paylaşıb.

Sfera.az qafqazinfo-ya istinadən xəbər verir ki, o, ötən il dünyaya gətirdiyi qızının atası, "Rammstein" rok qrupunun solisti Till Lindemanın şəklini yayıb. Loboda paylaşıma "Mənim günüm" şərhini yazıb.

Qeyd edək ki, məşhur cütlük 2017-ci ildə Azərbaycanda baş tutan "Jara" musiqi festivalı zamanı tanış olmuş, bundan sonra eşq yaşamağa başlamışdılar.